మహేష్ కోసం తమిళ సినిమాటోగ్రాఫర్ ఎదురుచూపులు

Posted: 11/27/2015 09:32 AM IST

Cinematographer santosh sivan tweets about mahesh babu

‘శ్రీమంతుడు’ తర్వాత మహేష్ బాబు నటిస్తున్న తాజా చిత్రం ‘బ్రహ్మోత్సవం’. ప్రముఖ దర్శకుడు శ్రీకాంత్ అడ్డాల దర్శకత్వంలో రూపొందుతున్న ఈ చిత్రాన్ని భారీ బడ్జెట్ చిత్రాల నిర్మాణ సంస్థ పివిపి బ్యానర్ పై ప్రసాద్.వి.పోట్లూరి నిర్మిస్తున్నారు. ప్రస్తుతం ఈ చిత్ర షూటింగ్ శరవేగంగా జరుగుతోంది. వచ్చే ఏడాది వేసవి సెలవుల కానుకగా ఈ సినిమాను విడుదల చేయడానికి సన్నాహాలు చేస్తున్నారు.

‘బ్రహ్మోత్సవం’ తర్వాత మహేష్ హీరోగో ప్రముఖ తమిళ దర్శకుడు ఏఆర్ మురుగదాస్ దర్శకత్వంలో ఓ చిత్రం తెరకెక్కనున్న విషయం తెలిసిందే. ‘గజిని’, ‘తుపాకీ’, ‘కత్తి’ వంటి భారీ బ్లాక్ బస్టర్ హిట్ చిత్రాలతో దర్శకుడిగా తనకంటూ ఓ ప్రత్యేక స్థానాన్ని సొంతం చేసుకున్నాడు. ఈ సినిమాకు ప్రముఖ సినిమాటోగ్రాఫర్ సంతోష్ శివన్ సినిమాటోగ్రఫిని అందించనున్నారు. మహేష్ తో పనిచేయడానికి ఎదురుచూస్తున్నట్లుగా సంతోష్ శివన్ తన సోషల్ మీడియా ట్విట్టర్ అకౌంట్ ద్వారా తెలియజేసారు.

ఈ ప్రాజెక్టును ప్రముఖ నిర్మాతలు ఆర్.బి.చౌదరి, ఎన్వీ ప్రసాద్ లు సంయుక్తంగా నిర్మించనున్నారు. హారీస్ జయరాజ్ సంగీతం అందించనున్నాడు. తెలుగు, తమిళం భాషలలో ఏకకాలంలో దాదాపు 120 కోట్ల భారీ బడ్జెట్ తో రూపొందనున్న ఈ సినిమా కోసం మహేష్ దాదాపు 30 కోట్ల రెమ్యునరేషన్ తీసుకోనున్నాడని సమాచారం. త్వరలోనే ఈ ప్రాజెక్టుకు సంబంధించిన అన్ని వివరాలను అధికారికంగా ప్రకటించనున్నారు.