‘నాన్నకు ప్రేమతో’ ఫస్ట్ లుక్ టీజర్ ముహూర్తం

Posted: 10/20/2015 04:42 PM IST

Ntr nannaku prematho movie first look teaser release date

‘టెంపర్’ తర్వాత యంగ్ టైగర్ ఎన్టీఆర్ హీరోగా నటిస్తున్న తాజా చిత్రం ‘నాన్నకు ప్రేమతో’. ప్రముఖ దర్శకుడు సుకుమార్ దర్శకత్వంలో తెరకెక్కుతున్న ఈ చిత్రాన్ని వరుస హిట్ చిత్రాల నిర్మాణ సంస్థ శ్రీ వెంకటేశ్వర సినీ చిత్ర బ్యానర్ పై నిర్మాత బి.వి.ఎస్.ఎన్. ప్రసాద్ నిర్మిస్తున్నారు. ఎన్టీఆర్ సరసన రకూల్ ప్రీత్ సింగ్ హీరోయిన్ గా నటిస్తుంది. దేవిశ్రీప్రసాద్ సంగీతం అందిస్తున్నాడు.

ఇప్పటికే విడుదలైన ఈ చిత్ర ఫస్ట్ లుక్ పోస్టర్ కు భారీ రెస్పాన్స్ వస్తోంది. అయితే తాజాగా ఈ చిత్ర ఫస్ట్ లుక్ టీజర్ కు తేది, సమయం ఫిక్స్ చేసారు. దసరా కానుకగా అక్టోబర్ 21వ తేదీన సాయంత్రం 6:30 నిమిషాలకు ‘నాన్నకు ప్రేమతో’ విడుదల చేయనున్నారు.

పవర్ ఫుల్ యాక్షన్ ఎంటర్ టైనర్ గా రూపొందుతున్న ఈ సినిమాలో జగపతిబాబు, రాజేంద్రప్రసాద్ ఓ కీలక పాత్రలలో కనిపించనున్నారు. ఈ చిత్రాన్ని సంక్రాంతి కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు.