గీత కోసం మూగ భాషలో ‘భజరంగీ భైజాన్’

Posted: 10/20/2015 12:15 PM IST

బాలీవుడ్ హీరో సల్మాన్ ఖాన్ నటించిన ‘భజరంగీ భైజాన్’ చిత్రం ఇటీవలే విడుదలై బ్లాక్ బస్టర్ హిట్టయ్యింది. బాలీవుడ్ రికార్డులను బద్దలుకొట్టి కొత్త రికార్డులను క్రియేట్ చేసింది. పాకిస్థాన్ నుంచి వచ్చిన ఓ అమ్మాయి భారత్ లో తప్పిపోవడంతో.. ఆ అమ్మాయిని తిరిగి సల్మాన్ ఎలా తీసుకెళ్లాడు అనే కథాంశంతో రూపొందింది.

అయితే నిజజీవితం ఆధారంగా రూపొందిన ఈ సినిమా మంచి విజయం సాధించింది. పాకిస్థాన్ లో తప్పిపోయిన భారత్ కు చెందిన మూగ-చెవిటి యువతి గీత కోరిక మేరకు ఈ చిత్రాన్ని సైగలతో రూపొందించనున్నారు. ఈ చిత్రం తన జీవితానికి దగ్గరగా వుందని, అందుకే ఈ చిత్రాన్ని మూగ భాషలో డబ్బింగ్ చేస్తే తనలాంటి చాలా మంది చూసి ఆనందిస్తారని గీత కోరినట్లుగా ఇండోర్ లోని మూగ పిల్లల సహాయ కేంద్రం సంరక్షకుడు జ్ఞానేంద్ర పురోహిత్ తెలిపారు.

గీత కోరిక మేరకు తమ సంస్థే ప్రస్తుతం ఈ డబ్బింగ్ పనులు చూస్తుందని ఆయన తెలిపారు. సల్మాన్ ఖాన్ నటించిన ‘భజరంగ్రీ భైజాన్’ మరి మూగ భాషలో విడుదలై ఎలాంటి స్పందనను రాబట్టనుందో త్వరలోనే తెలియనుంది.