అక్టోబర్ 18న బెంగాల్ టైగర్ ఆడియో

Posted: 10/05/2015 10:12 AM IST

Bengal tiger movie audio release date confirmed

‘కిక్2’ చిత్రం తర్వాత మాస్ మహారాజ్ రవితేజ నటిస్తున్న తాజా చిత్రం ‘బెంగాల్ టైగర్’. సంపత్ నంది దర్శకత్వంలో రూపొందుతున్న ఈ చిత్రాన్ని శ్రీ సత్యసాయి ఆర్ట్స్ బ్యానర్లో కె.కె. రాధామోహన్ భారీ బడ్జెట్ తో నిర్మిస్తున్నారు. ఇందులో రవితేజ సరసన రాశిఖన్నా, తమన్నాలు హీరోయిన్లుగా నటిస్తున్నారు.

ప్రస్తుతం ఈ చిత్ర పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. తొలిసారిగా రవితేజ చిత్రానికి భీమ్స్ సంగీతం అందిస్తున్నారు. ఈ చిత్ర ఆడియోను ఈనెల 17న గ్రాండ్ గా విడుదల చేయాలని అనుకున్నారు. కానీ ఒకరోజు ఆలస్యంగా విడుదల చేయనున్నారు. ఈ ఆడియోను అక్టోబర్ 18న విడుదల చేయబోతున్నట్లుగా చిత్ర యూనిట్ అధికారికంగా ప్రకటించింది.

అన్ని కార్యక్రమాలు పూర్తి చేసి దీపావళి కానుకగా నవంబర్ 5న చిత్రాన్ని ప్రపంచవ్యాప్తంగా అత్యధిక థియేటర్లలో విడుదల చేయబోతున్నారు. ఈ చిత్రంలో బోమ‌న్ ఇరాని, బ్రహ్మనందం, రావు ర‌మేష్‌, షియాజి షిండే, నాజ‌ర్‌, పోసాని కృష్ణముర‌ళి, త‌నికెళ్ళ భ‌ర‌ణి, హ‌ర్షవ‌ర్ధన్ రానే, పృద్వి, సురేఖ వాణి, అక్ష‌, శ్యామ‌ల‌, ప్రియ‌, ప్రభు, ప్రగ‌తి, నాగినీడు, ప్రభ‌, ర‌మాప్రభ తదిత‌రులు నటించారు. బ్యాన‌ర్‌ : శ్రీ స‌త్యసాయి ఆర్ట్స్‌, కెమెరా: సౌంద‌ర్ రాజ‌న్‌, ఎడిట‌ర్‌: గౌత‌ం రాజు, ఆర్ట్‌: డి,వై.స‌త్యనారాయ‌ణ‌, ఫైట్స్‌: రామ్‌-ల‌క్ష్మణ్‌, సంగీతం: భీమ్స్‌