అక్టోబర్ 9న రుద్రమదేవి రాక ఖరారు

Posted: 10/05/2015 10:23 AM IST

Anushka rudramadevi movie release on 9 october

శ్రీమతి రాగిణీ గుణ సమర్పణలో ప్రముఖ దర్శకుడు గుణశేఖర్ దర్శకనిర్మాణంలో రూపొందిన ఈ హిస్టారికల్ త్రీడి స్టీరియోస్కోపిక్ చిత్రం గతకొద్ది కాలంగా విడుదలకు నోచుకోకుండా వాయిదా పడుతూ వస్తున్న విషయం తెలిసిందే. సౌత్ ఇండియన్ స్టార్ హీరోయిన్ అనుష్క టైటిల్ రోల్ లో నటించిన తాజా చిత్రం ‘రుద్రమదేవి’. స్టైలిష్ స్టార్ అల్లు అర్జున్, రానా ప్రధాన పాత్రలలో నటించారు.

అయితే ఈ చిత్రాన్ని అక్టోబర్ 9న ప్రపంచ వ్యాప్తంగా విడుదల చేయడానికి చిత్ర యూనిట్ అన్ని కార్యక్రమాలను పూర్తి చేసుకొని సిద్ధమయ్యింది. ఈ సంధర్భంగా చిత్ర యూనిట్ హైదరాబాద్ లో ఓ ప్రెస్ మీట్ ను ఏర్పాటు చేసింది. ఈ కార్యక్రమానికి అనుష్క, రానా, అల్లు అర్జున్, గుణశేఖర్, శ్రీమతి రాగిణీ గుణ, నీలిమ గుణ, యుక్తాముఖి పాల్గొన్నారు.

Video Courtesy : Reliance Entertainment

తెలుగు, తమిళం, మలయాళం, హిందీ భాషలలో ‘రుద్రమదేవి’ చిత్రాన్ని విడుదల చేయనున్నారు. ఇప్పటికే విడుదలైన పాటలు, ట్రైలర్లకు భారీ రెస్పాన్స్ వస్తోంది. ఇటీవలే విడుదలైన మరో ట్రైలర్ అంచనాలను భారీగా పెంచేసింది. నిత్యామీనన్, ప్రకాష్ రాజ్, కృష్ణంరాజు తదితరులు ముఖ్య పాత్రలలో నటించారు.