చెర్రీ సినిమాలో మెగాస్టార్ గెస్ట్ రోల్

Posted: 08/20/2015 01:41 PM IST

ప్రముఖ దర్శకుడు శ్రీనువైట్ల దర్శకత్వంలో మెగాపవర్ స్టార్ రాంచరణ్ హీరోగా నటిస్తున్న తాజా చిత్రంలో మెగాస్టార్ చిరంజీవి నటించబోతున్నట్లుగా గతకొద్దిరోజులుగా వార్తలొస్తున్న విషయం తెలిసిందే. అయితే ఈ విషయంపై తాజాగా మెగాస్టార్ చిరంజీవి స్పందించారు.

ఇటీవలే ఓ మీడియాకు ఇచ్చిన ఇంటర్వ్యూలో చిరు మాట్లాడుతూ... చరణ్ సినిమాలో ఓ గెస్ట్ లో కనిపించబోతున్నట్లుగా ఆయన తెలిపారు. కానీ ఇందులో ఎలాంటి డాన్స్ మూమెంట్స్ చేయడం లేదని చిరు చెప్పుకొచ్చాడు. ఈ వార్త మెగా అభిమానులకు ఎంతో సంతోషాన్ని కలిగిస్తోంది.

ప్రస్తుతం ఈ చిత్రం షూటింగ్ శరవేగంగా జరుగుతోంది. ‘డి.వి.వి. ఎంటర్టైన్మెంట్స్ ఎల్ ఎల్ పి.’ పతాకం పై శ్రీమతి డి. పార్వతి సమర్పణలో హిట్ చిత్రాల నిర్మాత దానయ్య డి.వి.వి నిర్మిస్తున్నారు. రాంచరణ్ సరసన తొలిసారిగా రకూల్ ప్రీత్ సింగ్ హీరోయిన్ గా జతకడుతుంది. ఈ చిత్రాన్ని విజయదశమి కానుకగా విడుదల చేయనున్నారు.