‘వాలు’ సక్సెస్ తో శింబు మస్త్ మజా

Posted: 08/20/2015 01:07 PM IST

తమిళ క్రేజీ స్టార్ హీరో శింబు నటించిన ‘వాలు’ చిత్రం ఎన్నో అడ్డంకులను ఎదుర్కొని ఇటీవలే ఆగష్టు 14న గ్రాండ్ గా విడుదలైన విషయం తెలిసిందే. గతకొద్ది కాలంగా విడుదల కాకుండా వాయిదాలు పడుతూ వస్తున్న ఈ చిత్రం గత ఏడాది మొదటి నెలలోనే విడుదల కావాల్సింది. కానీ ‘వాలు’ చిత్రాన్ని విడుదలకు ఎన్నో అవంతరాలు అడ్డుగా నిలిచాయి.

అయితే ఎట్టకేలకు ఈ సినిమా విడుదలై మంచి పాజిటివ్ టాక్ తో ప్రస్తుతం దూసుకుపోతుంది. హౌస్ ఫుల్ కలెక్షన్లతో దుమ్ముదులుపుతోంది. కమర్షియల్ యాక్షన్, లవ్ ఎంటర్ టైనర్ గా రూపొందుతున్న ఈ చిత్రం మంచి సక్సెస్ టాక్ ను సొంతం చేసుకుంది. దీంతో శింబు అభిమానులు సంబరాల్లో మునిగిపోయారు. ఈ సినిమా విడుదలకు ముందు శింబు దాదాపు చాలా కృంగిపోయి వున్నాడు.

గత ఏడాది, ఈ ఏడాది మధ్య వరకు కూడా శింబు నటించిన ఏ ఒక్క చిత్రం కూడా విడుదల కాలేదు. అలాగే తాను ప్రేమించిన హన్సిక కూడా దూరం కావడంతో దారుణంగా కృంగిపోయాడు. అయినా కూడా అభిమానులు అండదండలతో మళ్లీ కోలుకున్నాడు. ప్రస్తుతం ‘వాలు’ సక్సెస్ తో శింబు చాలా సంతోషంగా వున్నాడు. ఈ సక్సెస్ క్రెడిట్ అంతా కూడా అభిమానులదేనంటూ శింబు చెబుతున్నాడు.