ఆయనతో మరోసారి నయనతార రొమాన్స్

Posted: 08/12/2015 11:22 AM IST

మలయాళం ‘భాస్కర్ ది రాస్కెల్’ హిట్ పెయిర్ మరోసారి అలరించడానికి సిద్ధమవుతోంది. ఇంతకీ ఆ హిట్ కాంబినేషన్ ఎవరిదని అనుకుంటున్నారా? మలయాళం స్టార్ హీరో మమ్ముట్టీ, తమిళ స్టార్ హీరోయిన్ నయనతార. వీరిద్దరూ కలిసి ఇప్పటికే ‘భాస్కర్ ది రాస్కెల్’ చిత్రంలో నటించారు. ఈ సినిమా విడుదలై భారీ విజయం సాధించింది.

అయితే తాజాగా మరోసారి వీరిద్దరూ కలిసి నటించబోతున్నారు. తాజాగా మమ్ముట్టి నటించనున్న కొత్త చిత్రంలో నయనతారకు హీరోయిన్ గా అవకాశం వచ్చింది. ఈ సినిమా స్టోరీ లైన్ నచ్చడంతో వెంటనే అంగీకరించింది. అలాగే మరోసారి మమ్ముట్టీతో నటించే అవకాశం రావడంతో నో అని చెప్పలేకపోయిందట.

సజన్ దర్శకత్వంలో రూపొందనున్న ఈ చిత్రానికి సంబంధించిన స్ర్కిప్టు పనులు, అలాగే ప్రీ ప్రొడక్షన్ పనులు శరవేగంగా జరుగుతున్నాయి. త్వరలోనే అన్ని వివరాలను అధికారికంగా ప్రకటించనున్నారు.