హన్సికకు రాని అవకాశం ధన్సికకు వచ్చేసింది!

Posted: 08/12/2015 11:23 AM IST

Actress dhansika to play rajinikanth daugter

తమిళ స్టార్ హీరోయిన్ హన్సికకు రాని అవకాశం హాట్ భామ ధన్సికకు వచ్చేసింది. ఈ ధన్సిక ఎవరా అని అనుకుంటున్నారా? కోలీవుడ్ లో చిన్న చిన్న సినిమాల్లో నటిస్తున్న హీరోయిన్. హన్సిక పేరు తరహాలోనే ఈ అమ్మడి పేరు కూడా ధన్సిక అని వుండటంతో తమిళంలో ఈ అమ్మడు బాగానే పాపులర్ అయ్యింది.

అంతే కాకుండా అప్పుడప్పుడు హాట్ హాట్ ఫోటోషూట్ లలో పాల్గొని, అందాలు ఆరబోస్తూ పిచ్చెక్కించేస్తూ వుంటుంది. కానీ కోలీవుడ్ స్టార్ హీరోయిన్ గా వున్న హన్సికకు రానీ ఓ గొప్ప అవకాశం ఈ అమ్మడు ధన్సికకు వచ్చేసింది. తాజాగా ఈ అమ్మడికి తమిళ సూపర్ స్టార్ రజనీకాంత్ సినిమాలో నటించే అవకాశం దక్కింది. దీంతో ఈ అమ్మడి ఆనందానికి అవధులే లేకుండా పోయాయి.

రజనీకాంత్ హీరోగా తమిళంలో ప్రముఖ దర్శకుడు రంజిత్ దర్శకత్వంలో ఓ చిత్రం తెరకెక్కునున్న విషయం తెలిసిందే. ఇందులో రజనీ ఓ గ్యాంగ్ స్టర్ డాన్ పాత్రలో నటించనున్నాడు. అయితే రజనీకాంత్ కూతురిగా ధన్సికను ఎంపిక చేసారు. ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు శరవేగంగా జరుగుతున్నాయి.

రజనీకాంత్ సరసన బాలీవుడ్ హాట్ భామ రాధిక ఆప్టే నటించనుంది. భారీ అంచనాలతో రూపొందుతున్న ఈ చిత్రాన్ని ఈనెల 21వ తేదిన చెన్నైలో ప్రారంభం కానుంది. ఈ చిత్రానికి ‘కాళీ’ అనే టైటిల్ ను ఖరారు చేసినట్లుగా తెలిసింది. త్వరలోనే ఈ చిత్ర వివరాలను అధికారికంగా ప్రకటించనున్నారు.