షూటింగ్ పూర్తిచేసుకున్న చీకటి రాజ్యం

Posted: 08/08/2015 01:13 PM IST

‘పాపనాశం’ తర్వాత కమల్ హాసన్ హీరోగా నటిస్తున్న తాజా తమిళ చిత్రం ‘తూంగవనం’. తెలుగులో ఈ చిత్రాన్ని ‘చీకటి రాజ్యం’ పేరుతో అనువదిస్తున్నారు. కమల్ సరసన త్రిష హీరోయిన్ గా నటిస్తుంది. ఇప్పటికే వీరిద్దరూ కలిసి ‘మన్మధ బాణం’ చిత్రంలో కలిసి నటించారు. మరోసారి ‘చీకటి రాజ్యం’ చిత్రం కోసం జతకడుతున్నారు.

తెలుగు, తమిళం భాషలలో ఏకకాలంతో తెరకెక్కుతున్న ఈ చిత్రానికి రాజేష్ ఎం.సెల్వ దర్శకత్వం వహిస్తున్నారు. గతంలో కమల్ హీరోగా రూపొందిన పలు సినిమాలకు రాజేష్ అసిస్టెంట్ డైరెక్టర్‌గా పనిచేశారు. అయితే ఇటీవలే విడుదలైన ఫస్ట్ లుక్ పోస్టర్లకు మంచి రెస్పాన్స్ వచ్చింది.

అయితే ప్రస్తుతం ఈ చిత్ర షూటింగ్ పూర్తయ్యింది. పోస్ట్ ప్రొడక్షన్ పనులు శరవేగంగా జరుగుతున్నాయి. ఇందులో నటి మధుశాలిని ఓ కీలక పాత్రలో నటిస్తుంది. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.