భాహుబలి చిత్రం స్పూర్తినిచ్చిందన్న బాలీవుడ్ బాద్ షా..

Posted: 08/02/2015 09:46 PM IST

బాలీవుడ్ బాద్‌షా షారూఖ్ ఖాన్ బాహుబలి సినిమాపై ప్రశంసల వర్షం కురిపించారు. చిత్ర సీమకు బాహుబలి సినిమా ఓ ఆదర్శం అని కొనియాడారు. ఈ చిత్రం తనకు స్పూర్తినిచ్చిందని కొనియాడారు. బాహుబలి ఎంతో కష్టపడి తీసని సినిమా అని ఈ మేరకు ఆయన ట్విట్టర్ అకౌంట్లో ట్వీట్లు చేశారు. కఠోర శ్రమకు అందిన గొప్ప ఫలితమే బాహుబలి అని, ఆదర్శమైన సినిమా తీసినందుకు దర్శకుడు రాజమౌళికి షారూఖ్ కృతజ్ఞతలు తెలిపారు.

గొప్ప సవాలును ఎదుర్కొన్నప్పుడే ఆకాశమంత ఎత్తుకు ఎదగగలమని పేర్కొన్నారు. ఈ సినిమాను తెరకెక్కించడంలో పనిచేసిన ప్రతి ఒక్రు తనకు ఆదర్శమని కృతజ్ఞతలు తెలిపారు. వచ్చిన అవకాశాన్ని ఉపయోగించుకోగలిగితేనే అంచనాలను మించి రాణించగలమని ఈ చిత్రం నిరూపించిందని షారుఖ్ ట్విట్ చేశారు. బాహుబలి చిత్ర బృందానికి ఆయన అభినందనలు తెలియజేశారు.

జి. మనోహర్