ఫ్రాన్స్ లో నాగార్జున కార్తీ, తమన్నాల సందడి

Posted: 08/01/2015 05:20 PM IST

Nagarjuna karthi tamanna multi starrer movie latest stills

అక్కినేని నాగార్జున, కార్తీ ప్రధాన పాత్రలలో తమన్నా హీరోయిన్ గా ప్రస్తుతం ఓ మల్టీస్టారర్ చిత్రం తెరకెక్కుతున్న విషయం తెలిసిందే. ‘ఎవడు’ చిత్రం తర్వాత వంశీ పైడిపల్లి దర్శకత్వంలో రూపొందుతున్న ఈ భారీ మల్టీస్టారర్ చిత్రాన్ని పి.వి.పి పతాకంపై ప్రముఖ నిర్మాత ప్రసాద్. వి. పోట్లూరి భారీ బడ్జెట్ తో నిర్మిస్తున్నారు.

ప్రస్తుతం ఈ చిత్ర షూటింగ్ ఫ్రాన్స్ లో జరుగుతుంది. తాజాగా ఈ చిత్ర షూటింగ్ సమయంలో నాగార్జున, కార్తీ, తమన్నాలు కలిసి దిగిన ఓ ఫోటోను విడుదల చేసారు. కమర్షియల్ యాక్షన్ లవ్ ఎంటర్ టైనర్ గా రూపొందుతున్న ఈ చిత్రానికి గోపిసుందర్ సంగీతం అందిస్తున్నారు.

ఈ చిత్రానికి ‘దోస్త్’ అనే టైటిల్ ను పరిశీలిస్తున్నారు. భారీ అంచనాలతో రూపొందుతున్న ఈ చిత్రాన్ని వచ్చే ఏడాది సంక్రాంతి కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు. త్వరలోనే ఈ సినిమాకు సంబంధించిన అన్ని వివరాలు అధికారికంగా ప్రకటించనున్నారు.