ప్రశాంతి హాట్ ఎఫైర్ ట్రైలర్ విడుదల

Posted: 07/08/2015 01:53 PM IST

నటుడు శ్రీరాజన్ దర్శకత్వంలో హాట్ భామలు ప్రశాంతి, గీతాంజలి ప్రధాన పాత్రలలో తెరకెక్కుతున్న తాజా చిత్రం ‘ఎఫైర్’. భీమవరం టాకీస్ పతాకంపై తుమ్మలపల్లి రామసత్యనారాయణ నిర్మిస్తున్నారు. ఈ చిత్ర ట్రైలర్ ను ఇటీవలే హైదరాబాద్ లోని ప్రసాద్ లాబ్స్ లో విడుదల చేసారు.

ఈ కార్యక్రమానికి దర్శకుడు ఎన్ శంకర్, వల్లూరిపల్లి రమేష్, ప్రతాని రామకృష్ణ గౌడ్, వాసు మంతెన తదితరులు పాల్గొన్నారు. ఈ సంధర్భంగా చిత్ర మోషన్ పోస్టర్ మరియు ట్రైలర్స్ ను విడుదల చేసారు. ఈ సంధర్భంగా నటుడు, దర్శకుడు శ్రీరాజన్ మాట్లాడుతూ... ‘ఎఫైర్’ చిత్రాన్ని తెరకెక్కించేందుకు సహకరించిన తమ్మలపల్లి రామసత్యనారాయణ గారికి కృతజ్ఞతలు. అలాగే ఈ సినిమా కథ విని తాము చేస్తామని ముందుకొచ్చి, ధైర్యాన్నిచ్చి అండగా నిలిచిన ప్రశాంతి, గీతాంజలిలకు కృతజ్ఞతలు. ఈ చిత్రం ప్రేక్షకులకు ఓ సరికొత్త అనుభూతిని కలిగిస్తుంది అని చెప్పుకొచ్చారు.

కార్యక్రమంలో పాల్గొన్న వారంతా చిత్రం మంచి విజయం సాధించాలని ఆశాభావం వ్యక్తం చేసారు. ఈ చిత్రాన్ని త్వరలోనే ప్రేక్షకుల ముందుకు తీసుకురావడానికి చిత్ర యూనిట్ సన్నాహాలు చేస్తున్నారు. మరి ఈ విభిన్నమైన కథాంశంతో రూపొందుతున్న ఈ చిత్రం ఎలాంటి విజయం సాధించనుందో త్వరలోనే తెలియనుంది.