టైంపాస్ రొమాన్స్ చేస్తానంటున్న కంగనా

Posted: 06/15/2015 01:39 PM IST

బాలీవుడ్ హాట్ భామ కంగనా రనౌత్ మళ్లీ హాట్ టాపిక్ గా మారింది. తన మాటలతో అందరికి పిచ్చెక్కించేస్తోంది. ఇప్పటికే వున్న హాట్ డేటింగ్ కల్చర్ ను మరింతగా పెంచే విధంగా కంగనా తెగ కామెంట్లు చేస్తోంది. ఇటీవలే ఈ అమ్మడు డేటింగ్ కల్చర్ పై భారీగా కామెంట్లు చేసింది. తాజాగా ఈ అమ్మడు నటించిన ‘కట్టి భట్టి’ చిత్రం ట్రైలర్ విడుదలయ్యింది. ఈ సంధర్భంగా కంగనా మీడియాతో మాట్లాడుతూ డేటింగ్ కల్చర్ పై పలు కామెంట్లు చేసింది.

ఈ సినిమాలో తనది ప్రేమ మీద, లివ్ ఇన్ రిలేషన్ షిప్ మీద నమ్మకం లేదని పాత్ర. అయితే ఈ పాత్రకు తాను నిజజీవితంలో విరుద్ధంగా వుండటానికే ఇష్టపడతానని కంగనా చెబుతోంది. తాను టైంపాస్ రొమాన్స్ నే నమ్ముతానని కంగానా చెబుతోంది. అయితే ఒకరినొకరు అర్థం చేసుకోవడం ప్రారంభించి డేటింగ్ కు వెళతారని, ఆ డేటింగ్ సమయంలో పెళ్లి చేసుకోవాలనే ఆలోచన వారి మనసులో వుండదని కంగానా చెబుతోంది.

అయితే డేటింగ్ సమయంలో ఏమైనా అభిప్రాయ భేధాలొస్తే ఎలాంటి భాధ లేకుండానే విడిపోవచ్చంటూ చెబుతోంది. ఇలాంటి లివ్ ఇన్ రిలేషన్ షిప్ విషయంలో తన అభిప్రాయాన్ని చాలా ఓపెన్ గా చెబుతానంటూ కంగానా చెప్పుకొచ్చింది. మరి ఈ అమ్మడి కామెంట్లపై ఎవరు ఎలా స్పందిస్తారో చూడాలి.