విష్ణుతో రోమాన్స్ కు సిద్దమంటున్న రెజీనా

Posted: 05/24/2015 07:19 PM IST

మంచువారిబ్బాయితో తెగ రోమాన్స్ చేసేందుకు సిద్దమయ్యింది నటి రెజీనా. మంచువారబ్బాయి అంటే మీకు సందేహం వచ్చిందా..? మంచు విష్ణుతో రోమాన్స్ చేస్తానంటోంది. ఇంకా క్లారిటీ రాలేదు. అదేనండీ మంచు విష్ణు నటిస్తున్న తదుపరి చిత్రంలో తన నటనాభినంయంతో కవ్వించి, మెప్పిస్తానంటోంది ఈ వయ్యరి బామ. హనుమాన్ తొలిసారి దర్శకత్వం వహిస్తున్న చిత్రంలో మంచు విష్ణు సరసన నటించనుంది. తనకు వచ్చిన ప్రతీ అవకాశాన్ని సద్వినియోగం చేసుకుని ముందుకు దూసుకుపోతానంటోంది.

అయితే ముందుగా ఈ అవకాశాన్నిరాశీ ఖన్నాకు దక్కిందని, అయితే అమె పలు కారణాల చేత ఈ అవకాశాన్ని చేజార్చుకుందని సమాచారం. అయితే మొత్తానికి తనకు వచ్చిన ఈ అవకాశాన్ని అందిపుచ్చుకున్న ఈ బామ ప్రేక్షకుల మన్ననలు పొందేలా నటిస్తానని చెప్పింది. ఈ చిత్రానికి రాజ్ కుమార్ నిర్మాతగా వ్యవహరిస్తున్నారు. కాలీవుడ్ లో సూపర్ హిట్ అయిన అరిమా నంబి చిత్రాన్ని తెలుగులో డైనమైట్ గా రూపోందిస్తున్న క్రమంలో బిజీగా వున్న నటుడు విష్ణు ఈ చిత్రం తరువాత తన కొత్త చిత్రంలో నటించనున్నారు. అయితే ఇప్పటికీ ఈ చిత్రానికి ఇంకా పేరును ఖారారు చేయలేదు.

జి. మనోహర్