కమల్ హాసన్ తాజా చిత్రం ఫస్ట్ లుక్ పోస్టర్లు విడుదల

Posted: 05/24/2015 06:58 PM IST

తన నటనతో యావత్ భారతావని సహా ప్రపంచ వ్యాప్తంగా అభిమానులను చూరగోన్న విలక్షణ నటుడు కమల్ హాసన్ మరో కొత్త సినిమాతో ప్రేక్షకులు ముందుకు రానున్నారు. తమిళంలో తూంగావనమ్ టైటిల్ తో వస్తున్న ఈ చిత్రానికి తెలుగులో చీకటి రాజ్యం అని నామకరణం చేశారు. 'చీకటి రాజ్యం' ఫస్ట్ లుక్ పోసర్లు విడుదలైయ్యాయి. హైదరాబాద్ లో ఆదివారం జరిగిన కార్యక్రమంలో దీన్ని విడుదల చేశారు. ఈ కార్యక్రమంలో కమల్ హాసన్, త్రిష్, ప్రకాశ్ రాజ్, దర్శకుడు రాజేశ్ యం. సెల్వ తదితరులు హాజరయ్యారు.

తెలుగు, తమిళ భాషల్లో తన సొంత సంస్థ రాజ్‌కమల్ ఇంటర్నేషనల్ పతాకంపై కమల్ ఈ చిత్రాన్ని నిర్మించనున్నారు. త్రిష, ప్రకాశ్ రాజ్ ముఖ్య పాత్రల్లో నటిస్తున్నారు. ఓ థ్రిల్లర్ స్టోరీగా ఇది తెరకెక్కనుంది. ఈ చిత్రంలో కమల్ హాసన్ పోలీసు అధికారిగా కనిపించనున్నారు. కమల్ భార్యగా ప్రముఖ నటి మనీషా కోయిరాలా నటించే అవకాశముంది. జీబ్రాన్ సంగీతాన్ని సమకూర్చుతున్నాడు. కమల్ హాసన్ సినిమాకు జీబ్రాన్ సంగీతం అందించడం ఇది నాలుగోసారి.

జి.మనోహర్