‘బాహుబలి’కి అంతర్జాతీయ గౌరవం!

Posted: 04/23/2015 11:35 AM IST

Bahubali movie global reputation rajamouli editor james marsh

టాలీవుడ్ దిగ్గజ దర్శకుడు రాజమౌళి ఎంతో ప్రతిష్టాత్మకంగా తెరకెక్కిస్తున్న చిత్రం ‘బాహుబలి’. ప్రభాస్, రానా, అనుష్క, తమన్నా ప్రధానపాత్రల్లో నటిస్తున్న ఈ మూవీని జక్కన్న రెండు భాగాల్లో రూపొందిస్తున్నాడు. ఓ చారిత్రాత్మక కథనంతో ఎంతో భారీ వ్యయంతో జక్కన్న తెరకెక్కిస్తున్న ఈ మూవీ ఇప్పటికే దేశవ్యాప్తంగా ఎంతో పేరుగాంచింది. బాలీవుడ్ లో దీని హవా బాగానే కొనసాగుతోంది.

ఈ క్రమంలోనే ప్రముఖ దర్శకనిర్మాత కరణ్ జోహర్ అధిక డబ్బులు వెచ్చించి మరీ దీని హిందీ రైట్స్ కొనుగోలు చేశాడు. అంతేకాదు.. ఓ అంతర్జాతీయ ప్రముఖ దర్శకుడు సైతం ఈ మూవీ షూటింగ్ స్పాట్ ని సందర్శించి.. జక్కన్న ప్రతిభను ప్రశింసించాడు. మొత్తానికి ఈ మూవీ రిలీజ్ కాకముందే తెలుగు ఇండస్ట్రీలోనే చెప్పుకోదగినదిగా నిలిచింది. ఇక రాజమౌళి ఈ సినిమా మొదటి భాగాన్ని వేసవిలో ప్రేక్షకుల ముందుకు తీసుకోరానున్నాడు. షూటింగ్ పూర్తి చేసుకున్న ఈ మూవీ ప్రస్తుతం పోస్ట్ ప్రొడక్షన్ పనుల్లో ఫుల్ బిజీగా వుంది. ఆర్కా మీడియా వర్క్స్ భారీ బడ్జెట్ తో ఈ మూవీని తెరకెక్కిస్తోంది.

ఇదిలావుండగా.. తాజాగా ఈ మూవీ అంతర్జాతీయ ఖ్యాతిని గడించింది. ఈ సినిమాని సమీక్షించడానికి దర్శకనిర్మాతలు ఆసియా లెవెల్ లో ప్రఖ్యాతి సంపాదించిన ఎడిటర్ జేమ్స్ మార్ష్ ని ప్రత్యేకంగా రామోజీ ఫిలిం సిటీలో సెట్ కి ఆహ్వానించారు. అక్కడ ఈ సినిమా లొకేషన్లు, ఏర్పాటు చేసిన సెట్స్ తదితర విషయాలు తెలుసుకుని అతగాడు ఎంతో ఆశ్చర్యపోయాడు. దీంతో అతగాడు అంతర్జాతీయంగా ప్రాముఖ్యత సాధించిన ఒక మేగజైన్ లో ఈ సినిమా పై ఒక ఆర్టికల్ ప్రచురించాడు. ఈ విధంగా ఈ చిత్రం అంతర్జాతీయంగా ఖ్యాతి గడించింది.

ఇదిలావుండగా.. ‘బాహుబలి’ సినిమాని ఇంగ్లీష్ లో ‘బాహుబలి – ది బిగినింగ్’ అనే పేరుతొ విడుదలచేయనున్నారు. జక్కన్న గతంలో చిత్రీకరించిన ‘ఈగ’ సినిమా ఫారెన్ లాంగ్వేజ్ లలో విడుదలైన విషయం తెలిసిందే!