సన్నాఫ్ సత్యమూర్తి మోషన్ పోస్టర్ విడుదల

Posted: 03/10/2015 09:35 AM IST

ఫస్ట్ లుక్ పోస్టర్లు మరియు ట్రైలర్లు విడుదల చేయకుండా అభిమానులను ఉత్కంఠకు గురిచేస్తున్న వ్యక్తి ‘సన్నాఫ్ సత్యమూర్తి’. స్టైలిష్ స్టార్ అల్లు అర్జున్ హీరోగా ప్రముఖ దర్శకుడు త్రివిక్రమ్ శ్రీనివాస్ దర్శకత్వంలో తెరకెక్కుతున్న తాజా చిత్రం ‘సన్నాఫ్ సత్యమూర్తి’.

ఇటీవలే ఈ చిత్ర ప్రీలుక్ పోస్టర్, ఆ తర్వాత ఎక్స్ టెండెడ్ ఫస్ట్ లుక్ మరియు ట్రైలర్ లను విడుదల చేసారు. కానీ ఈ చిత్ర ఫస్ట్ లుక్ పోస్టర్లు, ట్రైలర్లను మాత్రం విడుదల చేయకుండా అభిమానులను ఊరిస్తోంది చిత్ర యూనిట్. అయితే తాజాగా ఈ చిత్ర మోషన్ పోస్టర్ విడుదల చేసారు.

ఈ చిత్రాన్ని హారిక అండ్ హాసిని క్రియేషన్స్ బ్యానర్లో ఎస్.రాధాకృష్ణ నిర్మిస్తున్నారు. అల్లు అర్జున్ సరసన నిత్యామీనన్, ఆదాశర్మ, సమంత హీరోయిన్లుగా నటిస్తున్నారు. దేవిశ్రీప్రసాద్ సంగీతం అందిస్తున్న ఈ చిత్ర ఆడియో విడుదల కార్యక్రమాన్ని ఈనెల 15న హైదరాబాద్ లోని శిల్పకళా వేదికలో ఘనంగా జరుపనున్నారు.

కమర్షియల్ ఫ్యామిలీ యాక్షన్ ఎంటర్ టైనర్ గా రూపొందుతున్న ఈ చిత్రంలో కన్నడ స్టార్ హీరో ఉపేంద్ర, నటి స్నేహ, రాజేంద్రప్రసాద్, సింధు తులాని కీలక పాత్రలలో నటిస్తున్నారు. ఏప్రిల్ 2న సినిమాను విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.