లయన్ శాటిలైట్ రైట్స్ దక్కించుకున్న జెమినీ

Posted: 03/10/2015 11:31 AM IST

నందమూరి బాలకృష్ణ నటిస్తున్న తాజా చిత్రం ‘లయన్’. ఇటీవలే ఈ చిత్ర స్టిల్స్, లోగో, ఫస్ట్ లుక్ ట్రైలర్ ను విడుదల చేసారు. ఈ ఫస్ట్ లుక్ స్టిల్స్ మరియు ట్రైలర్ల కు భారీ రెస్పాన్స్ వస్తోంది. దీంతో ఈ సినిమాపై భారీ అంచనాలు పెరిగాయి. అందుకే ఈ చిత్ర శాటిలైట్ రైట్స్ భారీ రేటుకు అమ్ముడుపోయాయి.

ప్రముఖ జెమినీ టీవి ‘లయన్’ చిత్ర శాటిలైట్ హక్కులను 6కోట్ల రూపాయలకు సొంతం చేసుకుంది. పాటలు, థియేటర్ ట్రైలర్లు విడుదల కాకముందే బాలయ్య తన ‘లయన్’ గర్జన మొదలుపెట్టినట్లుగా తెలుస్తోంది. నూతన దర్శకుడు సత్యదేవా దర్శకత్వంలో తెరకెక్కుతున్న ఈ పవర్ ఫుల్ యాక్షన్ డ్రామాలో బాలయ్య రెండు డిఫరెంట్ గెటప్స్ లో కనిపించనున్నాడు.

ఎస్.ఎల్.వి సినిమా సంస్థలో నిర్మాత రుద్రపాటి రమణారావు నిర్మిస్తున్నారు. త్రిష, రాధికా ఆప్టేలు హీరోయిన్లుగా నటిస్తున్నారు. మణిశర్మ సంగీతం అందిస్తున్న ఈ చిత్ర ఆడియోను ఈనెల 28న విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.