బాలీవుడ్ బాద్ షాకు షాకిచ్చిన బుల్లితెర చిన్నది..!

Posted: 02/22/2015 04:14 PM IST

రాక రాక వచ్చిన అదృష్టాన్ని దూరం చేసుకునే వారు ఎవరైనా వుంటారా..? అనగానే నేనున్నాను అంటూ పరుగులెడుతూ వచ్చేస్తుంది ఈ బుల్లితెర చిన్నది. ఒక్కసారైనా కురుణించవమ్మ అదృష్ట దేవతా అంటూ అందరూ వేడుకుంటున్న తరుణంలో.. తాను అందుకు భిన్నం అంటోంది ఈ చిన్నది. ఇంతకీ ఈ చిన్నది ఎవరో తెలుసా.. సర్గుణ్ మెహతా..!  ఏకంగా బాలీవుడ్ బాద్‌షాతో కలసి చేసే ఎపిసోడ్‌నే వదిలేసుకుందట! ఈ టీవీ స్టార్‌కు షారూఖ్ అంటే తెగ పిచ్చి. అంత అభిమానం పెట్టుకుని షారుఖ్ తో కలసి చేసే షోలో ఆఫర్ ను ఎందుకు చేజార్చుకుందో తెలుసా..?

అభిషేక్‌తో ఎపిసోడ్‌కు సదరు భామలు రామని చెప్పిన తరువాత ఫరా... సర్గుణ్‌ను పిలిచింది. దీంతో పాటు షారూఖ్‌తో షోలో కూడా పాల్గొనమని ఆఫర్ ఇచ్చింది. అయితే గియితే కింగ్‌ఖాన్‌తో కలసి సినిమాలో పనిచేస్తాను గానీ... అందరు ఫ్యాన్స్‌లా కలిసే ఆలోచన తనకు లేదని అసలు విషయం చెప్పింది సర్గుణ్! నో చెప్పినందుకు ముందు ఫరా షాక్ తిన్నా... తరువాత సర్గుణ్ మాటలకు కన్విన్స్ అయిందట. ఆపర్ నచ్చింది కానీ అది కూడా బుల్లితెరపై అంటేనా నచ్చలేదు. సినిమాలో అయితే ఒకే అంటోన్న చిన్నదానికి త్వరగానే అదృష్టం కలసిరావాలని గుడ్ లక్ చెబుదాం..!

జి మనోహర్