టెంపర్ రీమేక్ లో సచిన్ కాదు.. ఓ పెద్ద హీరోనట!

Posted: 02/19/2015 07:57 PM IST

ఎన్టీఆర్ నటించిన ‘టెంపర్’ చిత్రం ఇటీవలే విడుదలై మంచి విజయం సాధించిన విషయం తెలిసిందే! ఇంతటి ఘనవిజయం సాధించడంతో ఈ మూవీ రీమేక్ రైట్స్ ని బాలీవుడ్ నటుడు సచిన్ జోషి తీసుకున్నట్లుగా కొన్నిరోజుల నుంచి వార్తలొస్తున్నాయి. నిర్మాత బండ్ల గణేష్ కి, సచిన్ మధ్య ఆర్థిక లావాదేవీలతోపాటు సన్నిహిత బంధమున్న నేపథ్యంలో ఆ మూవీ రైట్స్ గణేష్ అతనికే ఇచ్చినట్లు సమాచారం! అంతేకాదు.. హిందీ రీమేక్ సచిన్ హీరోగా నటించనున్నట్లు ప్రచారాలు కూడా వచ్చాయి. కానీ.. అవన్నీ కేవలం ట్రాష్ అంటూ సచిన్ జోషి తేల్చి చెప్పేశాడు.

ఈ విషయమై సచిన్ మాట్లాడుతూ.. ‘‘టెంపర్ చిత్రాన్ని హిందీలో రీమేక్ చేస్తున్న విషయం వాస్తవమే! ఆ మూవీ రైట్స్ కూడా నేనే తీసుకున్నాను. కానీ.. అందులో నేను మాత్రం హీరోగా నటించడం లేదు. ఓ పెద్ద హీరోతో ఆ మూవీని తీయాలని ట్రై చేస్తున్నాను. ఆ చిత్రానికి సరిపోయే హీరో ఎవరో నిర్ణయించుకుని చెబుతాను. త్వరలోనే ఈ చిత్రానికి సంబంధించిన మరిన్ని వివరాలు వెల్లడిస్తాను’’ అంటూ స్పష్టం చేశాడు. సచిన్ కి ఇండస్ట్రీలో అంతగా మార్కెట్ లేదు కాబట్టి.. ఆ భారీ చిత్రాన్ని ఓ స్టార్ హీరోతో తీస్తే ఆదాయం బాగా రాబట్టుకోవచ్చనే ఉద్దేశంతో సచిన్ ఆ నిర్ణయం తీసుకున్నట్లు విశ్లేషకులు చెబుతున్నారు.