104 గంటలు పోరాడి చివరికి బుక్కయ్యింది!

Posted: 02/18/2015 02:11 PM IST

Sanjana kannada actress limca book of world records 104 hours cycling

హాట్ సినిమాల్లో నటించి సెక్సీ తారగా పేరొందిన సంజన... ఓ అరుదైన ఘనతను సాధించింది. ఇండస్ట్రీలో ఏ తార ఇదివరకెన్నడూ చేయలేని సాహసాన్ని ఈమె చేసి తన సత్తా ఏంటో నిరూపించుకుంది. తోటి తారలతోపాటు మహిళలకు ఆదర్శంగా నిలిచింది. ఒకటి కాదు.. రెండు కాదు.. ఏకంగా 104 గంటలు పోరాడి రికార్డు సృష్టించింది ఈ భామ!

వివరాల్లోకి వెళ్తే.. ఇటీవలే నిర్వహించిన ఓ సైక్లింగ్ కాంపిటీషన్ లో కన్నడ నటి సంజన పాల్గొంది. ఈ పోటీ నేపథ్యంలో ఎవరు ఎంత ఎక్కువసేపు సైకిల్ తొక్కుతారో వారికి అరుదైన బహుమతి లభిస్తుంది. ఆ విషయం తెలుసుకున్న ఈ అమ్మడు ఇందులో పాలుపంచుకోవాలని ఆసక్తి కనబరిచింది. ఓ సైక్లింగ్ గ్రూప్ తో కలిసి ఈమె ఈ సవాల్ ని స్వీకరించారు. అంతే! ఈ పోటీలో తన సత్తా ఏంటో చూపిస్తూ.. ఏకంగా 104 గంటలు నిరవధికంగా సైకిల్ తొక్కి అందిరినీ ఆశ్చర్యపరిచింది.

ఈమె కనబరిచిన ఈ సాహసానికిగాను ‘లిమ్కా బుక్ ఆఫ్ వరల్డ్ రికార్డ్స్’లో స్థానం సంపాదించుకుంది. ఇంకో విషయం ఏమిటంటే.. అందులో స్థానం సంపాదించుకోవడం కోసమే సంజన ఈ పోటీల్లో పాల్గొందట! అదీ.. సంకల్పం అంటే! అనుకుంది.. సాధించింది. ఈ రికార్డుతో ఇప్పుడు సంజన టాక్ ఆఫ్ ది టౌన్ గా నిలిచింది.