బన్నీకి నిత్యామీనన్ చెల్లెలు కాదట

Posted: 02/17/2015 03:08 PM IST

స్టైలిష్ స్టార్ అల్లు అర్జున్ హీరోగా నటిస్తున్న ‘సన్నాఫ్ సత్యమూర్తి’ సినిమాలో నిత్యామీనన్ ఆదాశర్మ, సమంత హీరోయిన్లుగా నటిస్తున్నారు. మొన్నటి వరకు ఈ సినిమాలో నిత్యామీనన్ కూడా హీరోయిన్ గా నటిస్తుందని అందరూ అనుకున్నారు. కానీ గతకొద్ది రోజులుగా నిత్యామీనన్ ఈ సినిమాలో బన్నీకి చెల్లెలి పాత్రలో నటిస్తుందని ప్రచారం జరిగింది. దీంతో నిత్యామీనన్ చెల్లెలి పాత్రలో నటిస్తుందంటూ భారీగా వార్తలొచ్చాయి.

ఈ వార్తలను పీఆర్వో ఖండించారు. ఈ వార్తల్లో ఎలాంటి నిజం లేదని, నిత్యామీనన్ ఈ సినిమాలో బన్నీకి చెల్లెలి పాత్రలో నటించడంలేదని స్పష్టం చేశారు. దీంతో ఇక నిత్యామీనన్ కూడా ఈ సినిమాలో హీరోయిన్ గా నటిస్తుందని తెలుస్తోంది. ప్రస్తుతం ఈ చిత్ర షూటింగ్ శరవేగంగా జరుగుతోంది.

త్రివిక్రమ్ దర్శకత్వంలో రూపొందుతున్న ఈ సినిమాలో బన్నీ ఓ స్టైలిష్ వెడ్డింగ్ ప్లానర్ గా రూపొందుతుంది. ఫ్యామిలీ యాక్షన్ ఎంటర్ టైనర్ గా రూపొందుతున్న ఈ సినిమాలో కన్నడ స్టార్ హీరో ఉపేంద్ర, నటి స్నేహాలు కీలక పాత్రలో నటిస్తున్నారు. త్వరలోనే ఈ సినిమా ప్రేక్షకుల ముందుకు రానుంది.