ఈరోస్ తో కలిసి ఉత్తమ విలన్ ఏప్రిల్ 2న విడుదల

Posted: 02/13/2015 01:15 PM IST

Eros international bags uttama villain theatrical rights

ప్రముఖ నటుడు రమేష్ అరవింద్ దర్శకత్వంలో కమల్ హాసన్ నటిస్తున్న తాజా విభిన్న చిత్రం ‘ఉత్తమ విలన్’. ఈ సినిమాకు ప్రముఖ ఇంటర్నేషనల్ సంస్థ ఈరోస్ ఇంటర్నేషనల్ భాగస్వామ్యం అందిస్తోంది. తిరుపతి బ్రదర్స్, రాజ్ కమల్ సంస్థలు సంయుక్తంగా నిర్మిస్తున్నారు. ఈ సినిమా విడుదలలో ఈరోస్ ఇంటర్నేషనల్ సంస్థ కూడా వచ్చి చేరింది.

తమిళం, తెలుగు భాషల్లో ప్రపంచ వ్యాప్తంగా ఏప్రిల్ 2న విడుదల చేయడానికి సన్నాహాలు చేస్తున్నారు. ఈ సినిమాలో బాలచందర్, కె.విశ్వనాథ్, ఆండ్రియా, పూజ కుమార్, ఊర్వశి వంటి భారీతారాగణం నటించారు. ఇటీవలే విడుదలైన ఈ చిత్ర ఫస్ట్ లుక్ పోస్టర్లు, ట్రైలర్ కు మంచి స్పందన వచ్చింది. త్వరలోనే ఆడియోను విడుదల చేయడానికి సన్నాహాలు చేస్తున్నట్లుగా తెలిసింది.

కమల్ ద్విపాత్రాభినయం చేస్తున్న ఈ సినిమాలో ఆండ్రియా, పూజ కుమార్ లు హీరోయిన్లుగా నటిస్తున్నారు. ఇప్పటికే విడుదలైన ట్రైలర్ అంచనాలను భారీగా పెంచేసింది. త్వరలోనే ఈ చిత్ర తెలుగు వర్షెన్ కు సంబంధించిన వివరాలు కూడా అధికారికంగా ప్రకటించనున్నారు.