హైకూ చేయబోతున్న సూర్య, అమలాపాల్

Posted: 02/13/2015 01:24 PM IST

తమిళ నటుడు సూర్య ప్రస్తుతం ‘మాస్’ సినిమా షూటింగ్ లో బిజీగా వున్నాడు. త్వరలోనే ఈ సినిమా ప్రేక్షకుల ముందుకు రానుంది. అలాగే ఓ బాలల సినిమాలో సూర్య నటించనున్నాడు. ఈ సినిమాకు ‘హైకూ’ అనే టైటిల్ నిర్ణయించారు. సూర్య ప్రస్తుతం తన పిల్లల పేర్లతో ఓ టూడీ ప్రొడక్షన్ ను మొదలుపెట్టారు.

ఈ సంస్థ ద్వారా తొలి సినిమాగా ‘హైకూ’ను రూపొందించనున్నారు. ఇప్పటికే ‘పసంగ’, ‘మెరీనా’ వంటి సినిమాలను రూపొందించిన పాండిరాజ్.. ఈ సినిమాకు దర్శకత్వం వహిస్తున్నాడు. పిల్లల మనస్తత్వాలను ఆధారంగా చేసుకొని రూపొందించనున్న ఈ సినిమా ప్రతిఒక్కరికి నచ్చుతుందని చిత్ర యూనిట్ భావిస్తున్నారు.

బిందుమాధవి కీలక పాత్రలో నటిస్తుండగా... సూర్య, అమలాపాల్ లు భార్యభర్తలుగా అతిథిపాత్రలలో కనిపించనున్నారు. ఈ సినిమాపై పాండిరాజ్ చాలా నమ్మకంతో వున్నాడు. త్వరలోనే ఈ సినిమా ప్రేక్షకుల ముందుకు రానుంది.