ఉద్యోగిని నమ్మి మోసపోయానంటున్న తాప్సీ..

Posted: 01/29/2015 12:15 PM IST

Tapsee pannu love affairs job holder person fathers real estate company

ప్రతిఒక్కరి జీవితంలోనూ ఏదో ఒక చేదు అనుభవం ఖచ్చితంగా ఎదురవుతుంది. అనుకోకుండా ఎదురయ్యే ఆ ఘటన జీవితాంతం మానసికంగా వేధిస్తూనే వుంటుంది. ఎంత మరిచిపోవాలనుకున్నా.. అది సాధ్యం కాదు. అటువంటి సంఘటనే తనకూ ఎదురైందని నటి తాప్సీ ఆవేదన వ్యక్తం చేసింది. అసలు ఆ తప్పు చేయకుండా వుండి వుంటే ఆనందంగా తన జీవితాన్ని ఆస్వాదించేదని పేర్కొంది. తాను చేసిన ఆ తప్పు ఎంతగా మరిచిపోవాలని అనుకుంటున్నప్పటికీ.. అది సాధ్యపడడం లేదని అందరితో బాధను పంచుకుంది. అందరితో కలిసిమెలిసి వుండే తన స్వభావమే మోసం చేసిందంటూ ఆమె వాపోయింది.

తన చేదు అనుభవం గురించి తాప్సీ తెలుపుతూ.. ఓ మూవీ షూటింగ్ నేపథ్యంలో తాను హైదరాబాద్’లో కొన్నాళ్లు ఒంటరిగా వుండాల్సి వచ్చిందని తెలిపింది. ఆ సమయంలో తనపై ప్రేమాభిమానాలను కురిపించిన వాళ్లను ఎక్కువగా నమ్మినట్లు పేర్కొన్న తాప్సీ.. ఒకరితో చాలా సన్నిహితంగా మెలిగినట్లు స్పష్టం చేసింది. తన తండ్రి రియల్ ఎస్టేట్ సంస్థలో ఓ చిరు ఉద్యోగి అయిన ఓ వ్యక్తితో తాను ఎంతో సన్నిహితంగా వున్నానని, అతనితో కొన్నాళ్లు ఎంజాయ్ చేశానని తెలిపిన ఈ పంజాబీ అమ్మడు.. అదే తన జీవితంలో తాను చేసిన పెద్ద తప్పు అంటూ ఆవేదన వ్యక్తం చేసింది. అతడితో బ్రేకప్ అయినట్లు కూడా పేర్కొంది.

అయితే.. అతడితో విడిపోయినందుకు కలిగిన ఆ బాధ కేవలం ఒక వారం రోజుల వరకు మాత్రమే వుందని సంతోషంగా వ్యక్తం చేసింది. ఈ నేపథ్యంలో.. ఒక నటుడికి, నటికి మధ్య అనుబంధం నితంతరం సాగుతుందని చెప్పలేమని పేర్కొంది. అంతా బాగానే వుంది కానీ.. ఓసారి చిరు ఉద్యోగిని నమ్మి తప్పు చేశానని చెప్పిన తాస్పీ.. నటీనటుల మధ్య సంబంధం గురించి ఎందుకు ప్రస్తావించింది..? అన్న సందేహాలు వ్యక్తమవుతున్నాయి. అంటే.. ఈ అమ్మడు ఏ నటుడితోనో ప్రేమ వ్యవహారం నడిపిందా..? అంటూ ప్రశ్నలు లేవనెత్తుతున్నారు.