‘లింగా’ సినిమాతో రజనీ అభిమానులకు ‘తీన్మార్’

Posted: 11/30/2014 07:03 PM IST

Rajnikanth linga movie run time 3 hours and dual role

‘కొచ్చాడియాన్’ యానిమేషన్ సినిమాతో నిరాశకు గురైన అభిమానులకు సూపర్ స్టార్ రజినీకాంత్ సంతోషం కలిగించే వార్తను అందించారు. అందేటంటే.. లింగ చిత్రంతో అభిమానులతో తీన్మార్ చేయించనున్నారట. అదెలా అంటారా..? తాజాగా వస్తున్న చిత్రం లింగలో ఆయన చాన్నళ్ల తరువాత డబుల్ రోల్ చేస్తున్నారు. డబుల్ రోల్ తో అభిమానులకు డబుల్ ధమాకా ఇవ్వనున్న రజనీ... లింగ చిత్రం మరో శుభవార్తను కూడా అందించింది. ప్రస్తుతం కేవలం రెండు గంటలా 20 నుంచి 20 నిమిషాల పాటు వుంటున్న సినిమాలే వస్తున్న నేపథ్యంలో రజనీ.. అన అభిమానుల ఆకలి తీర్చేందుకు చాన్నాళ్ల తరువాత మూడు గంటల చిత్రంతో వస్తున్నారు.

‘లింగ’ నిడివి 175 నిముషాలు. అంటే సుమారు మూడు గంటల .( కేవలం ఐదు నిమిషాలు మాత్రమే తక్కువ) పాటు సూపర్ స్టార్ తెరపై సందడి చేయనున్నారు, దీంతో రజనికాంత్ తన అభిమానుల చేత తీన్మార్ చేయించనున్నారట. ఇటివలే ఈ సినిమా సెన్సార్ పూర్తయింది. క్లీన్ ‘యు’ సర్టిఫికేట్ లభించింది. గతంలో రజినీకాంత్ తో ‘ముత్తు’, ‘నరసింహ’ వంటి సూపర్ హిట్స్ అందించిన కెఎస్ రవికుమార్ ‘లింగ’ సినిమాకు దర్శకుడు. సోనాక్షి సిన్హా, అనుష్క హీరోయిన్లుగా నటించారు. ఏఅర్ రెహమాన్ సంగీత దర్శకుడు. రాక్ లైన్ వెంకటేష్ నిర్మాత. రజినీకాంత్ పుట్టినరోజున, డిసెంబర్ 12న సినిమా ప్రేక్షకుల ముందుకు వస్తుంది.

జి మనోహర్