గోవిందుడికి భారీగా దక్కుతోంది

Posted: 09/27/2014 11:27 AM IST

Govindudu andarivadele movie satellite rights bought by gemini tv

విడుదలకు ముందే ‘గోవిందుడు అందరివాడేలే’ సినిమా రికార్డులు క్రియేట్ చేస్తోంది. ఈ సినిమా శాటిలైట్ హక్కులు భారీ ధరకు అమ్ముడుపోయాయి. తెలుగు, తమిళం సహా పలు బాషల్లో చానెళ్ళు నడుపుతున్న సన్ నెట్ వర్క్ ఈ సినిమా హక్కులు తీసుకుంది. ఏకంగా ఎనమిది కోట్ల రూపాయలు పెట్టి శాటిలైట్ హక్కులను కొనుక్కున్నారు. ఆగడు సినిమాకు డివైడ్ టాక్ రావటంతో.., ప్రస్తుతం ఈ స్టార్ సినిమా పైనే అందరి దృష్టి పడింది. దీంతో సినిమాపై అంచనాలు పెరుగుతున్నాయి. ఫ్యామిలీ ఎంటర్ టైనర్ కధ కావటంతో బాగుటుందని టాక్ వస్తోంది.

అందువల్లే జెమిని యాజమాన్యం ఎనమిది కోట్లు పెట్టి హక్కులను కొనుక్కుందని తెలుస్తోంది. సినిమాను పక్కా ప్లానింగ్ తో విడుదల చేస్తున్నారు. దసరాకు ముందుగా 2వ తేది నుంచి వరుస సెలవులు ప్రారంభం అవుతుండగా.., అక్టోబర్ 1న ఈ సినిమాను విడుదల చేస్తున్నారు. ఐదు రోజుల సెలవుల్లో సినిమా కలెక్షన్లను సాధిస్తుందని నిర్మాత భావించి ఇలా ప్లాన్ చేశారు. ఎంత ఇబ్బంది పడ్డా.., అక్టోబర్ 1న సినిమా థియేటర్లో పడుతుంది అని ప్రకటించారు. ఆ మేరకు పోస్ట్ ప్రొడక్షన్ పనులు ఇప్పుడు చివరిదశలో ఉన్నాయి.

‘గోవిందుడు అందరివాడేలే’ సినిమాలో రామ్ చరణ్ సరసన కాజల్ అగర్వాల్ హీరోయిన్ గా నటిస్తోంది. వీరిద్దరి కాంబినేషన్ లో వస్తున్ననాల్గవ సినిమా ఇది. ఈ సినిమాను క్రియేటివ్ డైరెక్టర్ కృష్ణవంశి తెరకెక్కిస్తున్నారు. బండ్ల గణేష్ నిర్మాతగా వ్యవహరిస్తుండగా.., యువన్ శంకర్ రాజా సంగీతం అందించాడు. ఆడియోకు ఇప్పటికే మంచి రెస్పాన్స్ వచ్చింది. ప్రస్తుతం ఏ సినిమాలు లేకపోవటంతో., ‘గోవిందుడు అందరివాడేలే’ కలెక్షన్లను సోలొగా వసూలు చేస్తుందని ఫిలింనగర్ వర్గాలు అంటున్నాయి.

కార్తిక్