పవన్ పయనం ఎటు ?

Posted: 05/08/2014 08:45 PM IST

టాలీవుడ్ పవర్ స్టార్ పవన్ కళ్యాణ్ జనసేన పార్టీని స్థాపించి, నేను రాజకీయాల్లోకి వచ్చింది ప్రశ్నించడానికే తప్ప అధికారంకాదని చెప్పి, సినిమాలకు విరామం ఇచ్చి సాధారణ ఎన్నికలలో భాజాపా-తెదేపా కూటమి తరుపున ఎన్నికల్లో ప్రచారం చేసి అలసిపోయిన విషయం తెలిసిందే. ఈ ఎన్నికల ఫలితాల తరువాత తెదేపా-భాజాపా కూటమి అధికారంలోకి వస్తే, ఎన్నికల ప్రచారంలో ఇచ్చిన హామీలను నెరవేర్చడానికి ఏర్పాటైన ప్రభుత్వాలను ప్రశ్నిస్తాడా ? లేక తన వ్రుత్తి అయిన సినిమాల్లో మళ్లీ బిజీ అవుతాడా ? రాజకీయాల్లొ కొనసాగుతాడా ? అన్నది ఇండస్ట్రీలో తెగ చర్చించుకుంటున్నారు.

వాస్తవానికి పవన్ ‘గబ్బర్ సింగ్ -2 ’, ‘ఓ మై గాడ్ ’ సినిమాలకు కమీట్ అయ్యాడు. మొదట ‘ఓ మై గాడ్ ’ షూటింగులో పాల్గొంటానని మాట ఇచ్చాడు. బీజేపీ, టీడీపీ కూట‌మి సీమాంధ్రలో అధికారంలోని రాక‌పోతే తాను సినిమాలు మానేస్తాన‌ని, ప్రజా ఉద్యమంలో దిగుతాన‌ని ఇటీవలే తన ప్రచారంలో పవన్ చెప్పుకొచ్చారు. మరోవైపు పవన్ పాదయాత్ర అంటూ ఓ వైపు ప్రచారం సాగుతోంది. అయితే ఇక ఎన్నికలు ముగిశాయి కాబట్టి పవన్ కళ్యాణ్ మళ్లీ సినిమాల్లో బిజీ అవుతారని పరిశ్రమ వర్గాలు భావిస్తున్నాయి. అయితే గబ్బర్ సింగ్ ఎటువంటి నిర్ణయం తీసుకుంటాడో చూడాలి.