సురేందర్ రెడ్డి దర్శకత్వంలో రామ్ చరణ్

Posted: 05/09/2014 11:09 AM IST

Ram charan impressed surendar reddy direction

సినిమా ఇండస్ట్రీలో తన ఖాతాలో ఓ హిట్టు పడితే రాత్రికి స్టార్ డైరెక్టర్ అవ్వచ్చు. ప్రస్తుతం బడా ఫ్యామిలీలకు చెందిన హీరోల హవా నడుస్తుండటంతో అవకాశాల కోసం వారి చుట్టూ కాళ్ళరిగేలా తిరిగినా ఒక్క ఛాన్స్ అంటే ఒక్కటి ఇవ్వరు. అదే ఓ దర్శకుడు స్టార్ హీరోకి హిట్టిస్తే అతని వెంట స్టార్ హీరోలు పడతారు. ఇది సినిమా ఇండస్ట్రీలో చాలా సార్లు నిరూపితం అయ్యింది. ఇటీవల స్టైలిష్ స్టార్ తో ‘రేసు గుర్రం ’ సినిమా చేసి మంచి విజయాన్ని అందుకున్న సురేందర్ రెడ్డి వెంట స్టార్ హీరోలు పడుతున్నారు.

వీరిలో మెగా రామ్ చరణ్ తేజ్ కూడా ఉన్నాడు. ఇటీవల ఆయన ‘రేసుగుర్రం ’ సినిమా చూశాడు. ఈ సినిమా చూసిన వెంటనే సురేందర్ రెడ్డికి ఫోన్ చేసి ‘నీ సినిమా బాలా బాగుంది, ఇలాంటి కథ నాకు తగ్గట్లు ఒకటి తయారు చేస్తే వెంటనే సినిమా మొదలు పెట్టేద్దాం అని చెప్పినప్పట్లు సమాచారం. చరణ్ నుండి ఫోన్ రావడంతో సురేందర్ రెడ్డి ఆనందానికి హద్దే లేకుండా పోయిందట. చరణ్ లాంటి హీరో కథ తయారు చేయమంటే ఏ దర్శకుడు కాదంటారు చెప్పండి.

అందుకే వెంటనే ఓకే చెప్పాడట. చరణ్ తో చేస్తే తన రేంజ్ కూడా ఇంకా పెరుగుతుందని భావించిన ఆయన, ప్రస్తుతం కొత్త కుర్రాళ్లతో చేసే సినిమాను సాధ్యమైనంత త్వరగా పూర్తి చేసి, రవితేజ తో ‘కిక్ 2 ’ కంప్లీట్ చేసి చరణ్ సినిమా తో చేయాలని భావిస్తున్నట్లు సినిమా వర్గాల సమాచారం. ఇంత వరకు బాగానే ఉన్నా... గతంలో బొమ్మరిల్లు భాస్కర్, హరీశ్ శంకర్ లాంటి వాళ్లు స్టార్ హీరోలతో ఇదే ఉత్సాహం చేశారు. కానీ అవి విజయాన్ని అందివ్వలేక పోవడంతో వారిని తెర పై లేకుండా చేశారు. సో... బీకేర్ పుల్ సూరి.