‘మనం ’ సినిమాలో అమితాబ్ గెస్ట్ గా

Posted: 04/29/2014 03:43 PM IST

అక్కినేని త్రయం కలిసి నటించిన సినిమాలో బాలీవుడ్ మెగాస్టార్ అమితాబ్ బచ్చన్ నటిస్తున్నాడనే వార్త టాలీవుడ్ లో గత మూడు నాలుగు రోజుల నుండి సంచరిస్తున్న విషయం తెలిసిందే. ఈ వార్తల్లో నిజమెంతో అబద్దమెంతో అని సినీ జనాల్లో కాస్త అనుమానం ఉండేది. కానీ వాటన్నింటికి తెర దించుతూ... స్వయంగా అమితాబే ‘మనం ’ సినిమాలో నటిస్తున్నట్లు తన బ్లాగ్ లో వెల్లడించాడు.

ఈ విషయాన్ని తన బ్లాగ్ లో ప్రస్తావిస్తూ... ‘దిగ్గజ నటుడు, నా మిత్రుడు అయిన అక్కినేని నాగేశ్వరరావు తనయుడు నాగార్జునతో కలిసి ‘మనం ’ సినిమాలో అతిథి పాత్ర పోషించాను. ఆ షూటింగ్ కోసం చాలా కష్టపడ్డానని చెప్పుకొచ్చాడు. దీంతో అమితాబ్ ఆ సినిమాలో గెస్ట్ రోల్ పోషించాడని నిర్ధారణకొచ్చారు.

ఈ సినిమా కంటే ముందే నాగార్జున, అమితాబ్ లు ప్రముఖ కళ్యాణ్ జ్యువెల్లరీ సంస్థ యాడ్ లో నటించారు. అంతకంటే ముందు ‘ఖుదాగువా ’ అనే సినిమాలో నటించారు. అప్పటి నుండే వీరిద్దరి మధ్య మంచి స్నేహం ఉది. ఆ స్నేహం కారణంగానే నాగ్ అడిగిన వెంటనే అమితాబ్ చిన్న పాత్ర పోషించడానికి ఒప్పుకున్నాడట. ఇప్పటికే ట్రైలర్ పరంగా మంచి టాక్ తెచ్చుకున్న ఈ సినిమా మే 23న ప్రేక్షకుల ముందుకు రాబోతుంది.

Knr