రేణు దేశాయ్ కి కొడుకు పేరు కలిసొచ్చేనా ?

Posted: 04/29/2014 01:28 PM IST

పవన్ కళ్యాణ్ మాజీ భార్య రేణు దేశాయ్ ఇటీవలి కాలంలో ఏదో ఒక వార్తతో నిత్యం వార్తల్లో ఉంటుంది. నిన్న మొన్నటి వరకు పవన్ కళ్యాణ్ ని తెగ పొగిడేసిన ఈ అమ్మడు ఇప్పుడు తన కొడుకు పేరుతో సినీ నిర్మాణ బ్యానర్ ని నెలకొల్పింది. ఇప్పటికే మరాఠీలో ఓ చిత్రాన్ని నిర్మించి నిర్మాతగా మారిన రేణు ఇక పై తన కొడుకు పేరుతో ప్రారంభించిన ‘అకీరా ఫిల్స్మ్ ’ బ్యానర్ పై  ‘ఇష్క్ వాలా లవ్ ’ టైటిల్‌తో ఆమె ఓ చిత్రాన్ని తీయబోతోందని వార్తలు వస్తున్నాయి.

దీని తరువాత తన కూతురు ఆద్యా పేరున కూడా ఓ బ్యానర్ నెలకొల్పాలనే ప్లాన్ లో ఉందట. రేణు దేశాయ్ సడెన్ గా నిర్మాణ సంస్థలు ప్రారంభించడమే కాకుండా, చిత్రాల నిర్మాణం కూడా చేపడుతుందంటే దీనికి పెట్టుబడి వెనక నుండి పవన్ కళ్యాణే పెడుతున్నాడా ? లేక విడాకుల సమయంలో తీసుకున్న భారీ మొత్తంతో సొంత సంస్ధల్ని నెలకొలుపుతుందా ? అనే అనుమానాల్ని వ్యక్తం చేస్తున్నారు సినీ జనాలు.

ఏది ఏమైనా తన కొడుకు కూతుర్లని కూడా భవిష్యత్తులో మంచి స్థాయిలో నిలపాలని రేణు చేస్తున్న ప్రయత్నాల్ని ఫలించాలని కోరుకుందాం.