డబ్బింగ్ ఆర్టిస్ట్ పెళ్ళి పీటలెక్క బోతుంది

Posted: 04/22/2014 07:25 PM IST

ఇటీవలి కాలంలో చాలామంది సింగర్లు, డబ్బింగ్ ఆర్టిస్టులు ప్రేమ వివాహాలే చేసుకుంటున్నారు. ఇప్పటికి చాలా మంది పెళ్ళి పీటలు ఎక్కగా, ఇప్పుడు మరో జంట మూడు ముళ్ళ బంధంతో ఒక్కటి కాబోతున్నారు. తన హస్కీ వాయిస్ తో ‘సమంతా ’కు డబ్బింగ్ చెప్పిన చిన్మయి, సినీ హిరో, ‘అందాల రాక్షసి ’ ఫేం రాహుల్  రవీంద్రన్ ని  ప్రేమ వివాహం చేసుకోబోతుంది. గత కొంత కాలంగా ప్రేమికులుగా ఉన్న వీరు మే 6వ తేదీన చెన్నైయ్ లో ఒక్కటి కాబోతున్నారు.

డబ్బింగ్ ఆర్టిస్టుగానే కాకుండా, సింగర్ కూడా కూడా సుపరిచితం అయిన చిన్మయికి ఇండస్ట్రీలో మంచి పేరే వచ్చింది. బాలీవుడ్ లో ‘చెన్నైయ్ ఎక్స్ ప్రెస్ ’ సినిమాలో పాడిన పాట తో ఈ అమ్మడు పేరు అక్కడ కూడా మార్మోగిపోయింది. రాహుల్ తమిళ కుటుంబానికి చెందిన వ్యక్తి కాగా, చిన్మయి తండ్రి ఆంధ్రుడు (సంగీత విద్వాంసులు శ్రీపాద పినాకపాణి తనయుడు), తల్లి తమిళియన్. వీరి కాపురం పదికాలాల పాటు పచ్చగా ఉండాలని కోరుకుందాం. అంతే కాదండోయ్ ... ఈ అమ్మడు పెళ్ళికి వెళ్ళే వారు గిఫ్టులు తీసుకెళ్ళకుండా, ఛారిటీ కోసం డబ్బులు తేవాలని కూడా రిక్వెస్ట్ చేస్తుంది.