పవన్ కళ్యాణ్ రెమ్యునరేషన్ చుక్కల్లో

Posted: 04/23/2014 09:45 AM IST

టాలీవుడ్ లో పవన్ కళ్యాణ్ కి ఉన్న క్రేజ్ అంతా ఇంతా కాదు. ఆయనకున్న ఫ్యాన్ ఫాలోయింగ్ ఇండస్ట్రీలో  ఏ హీరోకు లేదనే చెప్పాలి. ఇటీవల వరుస విజయాలతో దూసుకుపోతున్న పవన్ రెమ్యునరేషన్ ఇండస్ట్రీలో ఇప్పుడు హాట్ టాపిక్ అయ్యింది. ఇటీవల పవన్ ‘ఓ మై గాడ్ ’ హిందీ చిత్రం రీమేక్ లో నటించడానికి కమీట్ అయిన విషయం తెలిసిందే.

ఈ సినిమాలో పవన్ కృష్ణుడి పాత్ర పోషించబోతున్నాడు. ఈ పాత్ర పోషించినందుకు గాను ఆయన పది కోట్ల వరకు రెమ్యునరేషన్ తీసుకుంటున్నాడని టాక్. సినిమాలో ఆయన పాత్ర చిత్రీకరించడానికి కేవలం పది రోజుల సమయం మాత్రమే పడుతుంది. అంటే ఈయన రోజుకు కోటి చొప్పున వసూలు చేస్తున్నాడన్న మాట.

కానీ సినిమా ఇండస్ట్రీ జనాల సమాచారం ప్రకారం పవన్ ఏ సినిమాకు ఇంతా, అంతా అని రెమ్యునరేషన్ తీసుకోడని, గత సినిమాలకు కూడా తీసుకోలేదని సినిమాకి వచ్చిన బిజినెస్ లో షేర్ తీసుకుంటాడని, ఈ సినిమాకు కూడా అలానే తీసుకుంటున్నాడని, ఈ సినిమాకు అయ్యే బిజినెస్ లో 30 శాతం షేర్ అడిగాడని, అంటున్నారు.

పవన్ సినిమాకు మినిమం 45 నుండి 50 కోట్ల వసూళ్ళు వస్తాయి. అంటే ఆ లెక్కన చూసుకుంటే పవన్ కి 14 నుండి 16 కోట్ల మధ్యలో రెమ్యునరేషన్ ముడుతుందని, కేవలం పది రోజులకే ఇంత రెమ్యునరేషన్ తీసుకునే మొదటి హీరో పవన్ కళ్యాణే అంటున్నారు. ఎంతైనా పవర్ స్టార్ కదా.... అందుకే ఆయన సినిమాల్లో కిక్కే వేరప్పా..

KNR