‘ప్రతినిధి ’ ఎట్టకేలకు వస్తున్నాడు

Posted: 04/12/2014 09:54 AM IST

Nara rohit pratinidhi release on april 25th

నారా రోహిత్ నటించిన ‘ప్రతినిథి ’ సినిమాకు ఎట్టకేలకు మోక్షం లభించింది. ఎప్పుడో షూటింగ్ కంప్లీట్ చేసుకొని, నవంబర్ లోనే ఆడియో కూడా విడుదల అయిన ఈ సినిమా ఇంత కాలం ఆర్థిక కారణాల వల్ల విడుదల కాకుండా ల్యాబ్ లోనే ఉండింది. ఇటీవలి కాలంలోనే ఆర్థిక కష్టాల నుండి బయటపడిన ఈ చిత్ర నిర్మాత ఈ సినిమాను ఈనెల 25వ తేదీన విడుదల చేయడానికి సన్నాహాలు చేస్తున్నారు.

రాజకీయ అంశాలతో తెరకెక్కిన ఈ సినిమాలో సమకాలీన రాజకీయాలను చూపించినట్లు తెలుస్తుంది. ఇప్పటికే విడుదల అయిన ట్రైలర్ లో రాజకీయాల పై పంచ్ డైలాగులు ప్రేక్షకుల్ని ఆకట్టుకున్నాయి. సినిమాలోని కొన్ని అంశాలు ప్రేక్షకులపై ప్రభావం చూపి ఓటర్లలో మార్పు తీసుకొచ్చే అవకాశముందంటున్నారు చిత్ర దర్శక నిర్మాతలు.

ఈ చిత్రానికి ప్రశాంత్ మండవ దర్శకత్వం వహించగా, రోహిత్ సరసన శుబ్ర అయ్యప్ప హీరోయిన్ గా , సాంబశివరావు నిర్మించారు. సాధారణ ఎన్నికల ముందు విడుదల అవుతున్న ఈ చిత్రం ఏమైనా సంచలనాలు స్రుష్టిస్తుందో చూడాలి.