రజనీకాంత్ కు కుమార్తె తో కష్టాలు

Posted: 11/11/2013 03:50 PM IST

Rajinikanth kochadaiyaan movie release problems

సూపర్ స్టార్ రజనీకాంత్ కు ఇప్పుడు కుమార్తెతో కష్టాలు వచ్చినట్లు సమాచారం. రజనీ కుమార్తె సౌందర్య వలన ఆయన అభిమానులు చాలా బాధపడుతున్నారు. ఇప్పటి వరకు రజనీ అభిమానులు ఇంతగా బాధపడింది లేదని కోలీవుడ్ వర్గాలు అంటున్నాయి. డిసెంబర్ 12న రజనీ పుట్టిన రోజు. అయితే ఆ రోజు ఆయన అభిమానులు పెద్ద పండుగల మాదిరి జరుపుకుంటారు. కానీ ఈ సారి మాత్రం రజనీ కుమార్తె సౌందర్య వల్ల రజనీ అభిమానులు నిరాశ చెందే అవకాశం ఉందని కోలీవుడ్ వర్గాలు అంటున్నాయి.

భారీ అంచనాలతో వస్తున్న ఈ సినిమా మరోసారి వాయిదా పడేలా కనిపిస్తుంది. రజని కుమార్తె సౌందర్య దర్శకత్వం వహిస్తున్న ఈ చిత్రాన్ని రజనీ బర్త్ డే అయిన డిసెంబర్ 12న రిలీజ్ చేసేస్తున్నట్టు ఇటీవలే ప్రకటించారు. అయితే ఇప్పటి వరకు ఈ సినిమా ఆడియో కుడా విడుదల కాలేదు. అక్టోబర్ లో ఆడియోను రిలీజ్ చేస్తామన్నారు. ఇప్పుడిది మళ్ళీ వాయిదాపడే సూచనలు కనిపిస్తున్నాయి.

చిత్రనిర్మాణానికి సంబంధించిన పనులు ఇంకా పూర్తి కానందున సినిమా విడుదల వచ్చే ఏడాది కి పోస్ట్ పోన్ కానున్నట్టు చెన్నైలో వార్తలు వినిపిస్తున్నాయి. దీంతో సినిమా రిలీజ్ కష్టాలు చిన్నా చితకా హీరోలకే కాదు. సూపర్ స్టార్ హీరోలకు కూడా ఉంటాయని అర్ధమవుతుంది. అయితే ఈ రకంగా సినిమాలు వాయిదా పడడానికి కారణం మాత్రం బయటకు రావడం లేదు. ఒక్క తమిళ పరిశ్రమలోనే కాదు. అన్ని పరిశ్రమలోనూ ఇదే తంతు.