రామ్ చరణ్ మల్టీ స్టారర్ సినిమా

Posted: 08/08/2013 08:35 PM IST

టాలీవుడ్ ఇండస్ట్రీలో భారీ బడ్జెట్ సినిమాలతో పాటు, మల్టీ స్టారర్ సినిమాలు కూడా పెరిగిపోతున్నాయి. ఇప్పటికే వచ్చిన మల్టీ స్టారర్ సినిమా మంచి విజయాన్ని అందుకోవడంతో దర్శకులు వాటి పై మనస్సు మరల్చారు. ప్రస్తుతం వెంకటేష్ , రామ్ కలయికలో ఓ చిత్రం తెరకెక్కుతుండగా, అక్కినేని త్రయం కలిసి ఓ సినిమాలో నటిస్తున్నారు. తాజాగా మరో మల్టీ స్టారర్ సినిమాకు సన్నాహాలు జరుగుతున్నట్లు సమాచారం. అది మూడు కుంటుంబాల, మూడు తరాల హీరోలతో. ఆ తరం నటుడు సూపర్ స్టార్ కృష్ణ, వెంకటేష్, రామ్ చరణ్ లు ఈ సినిమాలో నటిస్తున్నట్లు సమాచారం. ఈ సినిమాకు ప్రముఖ క్రియేటివ్ దర్శకుడిగా పేరు తెచ్చుకున్న  కృష్ణవంశీ ఈ సినిమాకు దర్శకత్వం వహించబోతున్నాడని ఈ సినిమా చేయడానికి వీరు ముగ్గురు అంగీకరించినట్లు టాలీవుడ్ వర్గాల లేటెస్ట్ సమాచారం. ఇందుకు సంబంధించిన కథ సిద్ధమైందనీ ఈ కథనే కృష్ణవంశీ వీరికి వినిపించి, ఒప్పించారని అంటున్నారు. అన్నట్లు గత కొన్ని సినిమాల రికార్డ్సు చూస్తే  కృష్ణవంశీ గ్రాఫ్ డన్ లో ఉంది. మరి ఇలాంటి పరిస్దితుల్లో వీరి ఈ సినిమాకు గ్రీన్ సిగ్నల్ ఇచ్చారా లేదా అనేది తెలియాల్సి ఉంది.