అనుకున్న తేదీకే ఎవడు విడుదల

Posted: 07/16/2013 07:21 PM IST

రామ్ చరణ్ - వంశీ పైడిపల్లి - దిల్ రాజు కాంబినేషన్ లో రూపొందిన భారీ బడ్జెట్ సినిమా ‘ఎవడు ’ విడుదల విషయం పై పూర్తి క్లారిటీ వచ్చింది. నిన్నటి వరకు ఈ చిత్రం పై రకరకాల వార్తలు ఫిలింనగర్ లో సంచరించాయి. కానీ ఆ చిత్ర నిర్మాత అయిన దిల్ రాజు ఈ రోజు ఈ సినిమా విడుదల పై అధికారిక ప్రకటన చేశాడు. మొదట ప్రకటించిన తేదీ జులై 31వ తేదీనే ఈ సినిమాను ప్రపంచ వ్యాప్తంగా విడుదల చేస్తామని అన్నారు. ఈ తేదీలో ఎటువంటి మార్పులేదని తేల్చి చెప్పారు. నిన్నటి వరకు ‘ఎవడు ’ సినిమా జులై31 న కాకుండా ఆగష్టు రెండో వారంలో విడుదల చేస్తారని పవన్ సినిమా అత్తారింటికి విడుదల అయి , ఆ సినిమా రిజల్టు తరువాత దీన్ని విడుదల చేయాలని నిర్మాత భావిస్తున్నట్లు వార్తలు వచ్చాయి. బాబాయ్ పవన్ సినిమా ముందు విడుదల చేస్తే థియేటర్స్ సమస్య, కలెక్షన్ల పై ప్రభావం ఉంటుందని భావించి ఆ దిశగా ఆలోచించారని అన్నారు. కానీ చరణ్ ‘మధధీర ’ ఆ రోజునే విడుదల అయి రికార్డు విజయం దక్కడంతో ఇప్పుడు అదే సెంటిమెంటును ఫాలో అవుతున్నారని అంటున్నారు.  శృతి హాసన్, ఎమీ జాక్సన్ హీరోయిన్లగా నటిస్తున్నారు. అల్లు అర్జున్, కాజల్ గెస్ట్ పాత్రలు పోషించారు.. ఈ సినిమా విడుదల తేదీ ఖరారు కావడంతో మెగా అభిమానుల ఆనందానికి అవధులు లేకుండా పోతున్నాయ్.