మళ్లీ ఖాకీ డ్రెస్ వేయబోతున్నాడు...

Posted: 07/16/2013 10:43 AM IST

ఇప్పటి వరకు తెలుగు సినిమాలో ఖాకీ డ్రెస్ వేయని హీరో దగ్గబాటి రాణా త్వరలో ప్రేక్షకుల ముందుకు పవర్ ఫుల్ పోలీస్ ఆఫీసర్ గా రాబోతున్నాడు. బాలీవుడ్ లో వర్మ ‘డిపార్ట్ మెంట్ ’ సినిమా లో పోలీస్ ఆఫీసర్ పాత్ర వేసి మెప్పించిన రాణా ‘అందాల రాక్షసి ’ సినిమా దర్శకుడు హను రాఘవపూడి దర్శకత్వంలో చేయబోయే సినిమాలో ఈ పాత్ర వేయబోతున్నట్లు సమాచారం. ప్రస్తుతం రెండు సినిమాల్లో బిజీగా ఉన్న రాణా తరువాత ఈ సినిమాను చేయనున్నాడు.ఇందుకోసం దర్శకుడు రాణాకు సరిపోయే ఫవర్ పోలీస్ క్యారెక్టర్ ని సిద్దం చేసే పనిలో ఉన్నాడట. అలాంటి పాత్ర చేయాలని కుతూహలంతో వున్న రానా, దీనికి వెంటనే ఓకే చెప్పేశాడు. ప్రస్తుతం స్క్రిప్ట్ వర్క్ జరుగుతోంది. ఈ సినిమా పోలీస్ బ్యాక్ డ్రాప్ లో తెరకెక్కబోతుందని సమాచారం. ఇక ఈ సినిమాకు సంబంధించి పూర్తి సమాచారం త్వరలోనే వెల్లడి కానుంది.