మహేష్ ‘కొలంబస్ ’ గా రాబోతున్నాడు ?

Posted: 05/28/2013 11:26 AM IST

టాలీవుడ్ ప్రిన్స్ మహేష్ బాబు హీరోగా ప్రేమ కథా చిత్రాల దర్శకుడు సుకుమార్ కాంబినేషన్లో రూపొందుతున్న యాక్షన్, రొమాంటిక్ చిత్రానికి ఇంత వరకు టైటిల్ మాత్రం ఖరారు కాలేదు. కానీ ఈ చిత్రానికి ఇప్పటికే చాల పేర్లు ప్రచారంలోకి వచ్చాయి. ఈ మధ్యనే ఈ సినిమాకు ‘సునామి ’ టైటిల్ ని ఖరారు చేశారని వార్తలు వచ్చాయి. అంతక ముందు ‘తుంటరి ’, ఆచార్య ’ వంటి పేర్లు కూడా ఫిలింనగర్లో చెక్కర్లు కొట్టాయి. కానీ ఇవేవి అధికారికంగా ప్రకటించబడలేదు. తాజాగా దీనికి సంబంధించి మరో పేరు ప్రచారంలోకి వచ్చింది. ఈ సినిమాకు ‘కొలంబస్’ అనే టైటిల్ ఖరారు చేసినట్లు వార్తలు వస్తున్నాయి. ఈ సినిమాలో మహేష్ పేరు కొలంబస్ అట. దానిని బట్టి చూస్తే ఇదే ఖరారయ్యే సూచనలు ఎక్కువగా వున్నాయని అంటున్నారు. ఇక ఈ సినిమాకు సంబంధించిన ఫస్ట్ లుక్ తన తండ్రి పుట్టిన రోజున విడుదల చేయడానికి సన్నాహాలు చేస్తున్నారు. ఆ రోజు ఈ సినిమా టైలిట్ అనేది తెలియబోతుంది. అంత వరకు ఈ గాసిప్ రాయుళ్ళు పెట్టిన టైటిళ్ళను ఎంజాయ్ చేయండి.