కొడుకు కోసం నాగార్జున రిస్క్ చేస్తున్నాడు

Posted: 04/17/2013 09:21 PM IST

అక్కినేని కుటుంబం నుండి వారసత్వాన్ని పునికుపుచ్చుకొని తెలుగు ఇండస్ట్రీకి ‘జోష్ ’ సినిమాతో జోష్ గా ఎంట్రీ ఇచ్చినా ఆ సినిమా డిజాస్టర్ తరువాత ఏమాయ చేసావె, 100% లవ్ చిత్రాలతో తనకంటూ స్టార్ ఇమేజ్ ని సంపాదించుకున్న నాగచైతన్య ప్రస్తుతం దేవా కట్టా దర్శకత్వంలో ‘ఆటో నగర్ ’ సూర్య చిత్రంలో నటిస్తున్న విసయం తెలిసిందే. ఈ సినిమా షూటింగ్ చాలా కాలం నుండి జరుగుతున్నా ఇంత వరకు పూర్తి కాలేదు. కారణం ఈ చిత్రాన్ని నిర్మిస్తున్న ఆర్.ఆర్. మూవీ మేకర్స్ నాగార్జున ‘ఢమరుకం ’ సినిమాతో భారీగా నష్టపోయి కష్టాల్లో పడటంతో ఈ సినిమాని పూర్తి చేయలేక మధ్యలో నిలిపి వేశారు. ఇక నాగచైతన్య సినిమాలు దీనికంటే ముందువి ఫ్లాఫులు కావడంతో ఎలాగైనా హిట్టుకొట్టాలనే తపన పడ్డాడు. కానీ ఇలాంటి పరిస్థితి ఎదురుకావడంతో నాగచైతన్య నిరాశ చెందుతున్నాడు. దీంతో కొడుకు కష్టాన్ని చూడలేక పోయిన నాగార్జున ఈ సినిమాను కొనుగోలు చేయబోతున్నాడని  సమాచారం. పోస్ట్ ప్రొడక్షన్ మరియు 10 రోజుల చిత్రీకరణ మిగిలి ఉన్న ఈ సినిమాను అదేస్థితిలోనే కొనుక్కుంటారట. కానీ సరైన ధర కుదరకపోవడం వల్ల కాస్త వెనుకడుగు వేస్తున్నాడని విశ్వసనీయ వర్గాల సమాచారం. చూద్దాం ఈ సినిమాని కొని నాగచైతన్య కెరీర్ ని ముందుకు నడిపిస్తాడో లేదో.