Posted: 03/14/2013 01:20 PM IST

విలక్షణ నటుడు ముద్దుల తనయ శ్రుతి హాసన్ వెండితెర అరంగ్రేటం చేసి పెద్ద సినిమాల్లో నటించినా, ఆమెకు పోయిన సంవత్సరం నటించిన ‘గబ్బర్ సింగ్ ’సినిమాతోనే బ్రేక్ వచ్చింది. ఆ తరువాత నుండి వరుసగా అవకాశాలు కొట్టేస్తున్న శ్రుతి ప్రస్తుతం రామ్ చరణ్ ‘ఎవడు ’ సినిమాలో నటిస్తుంది. తాజాగా అల్లు అర్జున్ తో జతకట్టబోతుంది. ‘కిక్ ’ సినిమాతో మంచి దర్శకుడిగా పేరు తెచ్చుకున్న సురేందర్ రెడ్డి త్వరలో బన్నీతో ఓ సినిమా చేయబోతున్నాడు. ఈ సినిమాలో బన్నీకి జోడిగా జతకట్టబోతుందని వార్తలు. ప్రస్తుతం అల్లు అర్జున్ పూరీ జగన్నాథ్ దర్శకత్వంలో ‘ఇద్దరమ్మాయిలతో ’ సినిమా చేస్తున్న విషయం తెలిసిందే. ఈ సినిమా తరువాత ఈ ప్రాజెక్టు పట్టాలెక్కనుంది.