Posted: 01/31/2013 01:29 PM IST

      కన్నడంలో విజయవంతమై 25 కోట్లకు పైగా వసూలు చేసిన 'దండు పాళ్య' చిత్రాన్ని వెంకట్‌ మూవీస్‌ పతాకంపై అదే పేరుతో నిర్మాత వెంకట్‌ తెలుగులోకి డబ్ చేసిన సంగతి తెలిసిందే. ఈనెల 25న రాష్ట్రవ్యాప్తంగా విడుదలైన ఈ సినిమాకు వస్తోన్న కలెక్షన్ల మీద చిత్ర దర్శక, నిర్మాతలు హ్యాపీగా ఉన్నారు.
         చిత్ర యూనిట్‌ సక్సెస్‌మీట్‌ లో నిర్మాత వెంకట్‌, దర్శకుడు శ్రీనివాసరాజు, రచయిత కె.ఆర్‌.కె., సూపర్‌హిట్‌ వీక్లీ ఎడిటర్‌ బి.ఎ.రాజు పాల్గొన్నారు. ఈ సందర్భంగా నిర్మాత వెంకట్‌ మాట్లాడుతూ ‘ఈ చిత్రం తెలుగులో తప్పకుండా సక్సెస్‌ అవుతుందని ఊహించాము. కానీ, ఇంత పెద్ద సక్సెస్‌ అవుతుందని అనుకోలేదు. ఎలాంటి స్టార్‌ కాస్ట్‌ లేకుండా రియలిస్టిక్‌ సబ్జెక్ట్‌తో రూపొందిన ఈ చిత్రానికి మంచి ఓపెనింగ్స్‌ రావడమే కాకుండా మంచి రివ్యూస్‌ కూడా వచ్చాయి. ఈ చిత్రాన్ని తెలుగులో విడుదల చేద్దామని అనుకున్నప్పుడు కన్నడ సినిమాలు తెలుగులో విజయం సాధించినవి తక్కువగా ఉన్నందున చాలా మంది డిస్ట్రిబ్యూటర్లు ముందుకు రాలేదు. వచ్చిన కొద్దిమంది సినిమా రిలీజ్‌ తర్వాత చాలా హ్యాపీగా వున్నారు. ఈ సినిమాపై మేం పెట్టుకున్న నమ్మకాన్ని నిలబెట్టిన ప్రేక్షకులకు ఈ సందర్భంగా కృతజ్ఞతలు తెలియజేస్తు న్నాను’ అని తెలిపారు.

      డైరెక్టర్ శ్రీనివాసరాజు మాట్లాడుతూ ‘ఈ సినిమా గురించి మీడియాలో మంచి రివ్యూస్‌ ఇచ్చారు. ఈ సినిమా రిలీజ్‌కి ముందు క్రైమ్‌ సినిమా అనే ఫీలింగ్‌తో వున్నప్పటికీ, రిలీజ్‌ తర్వాత సినిమాని లవ్‌ చేస్తున్నారు. కన్నడలోలాగే తెలుగులో కూడా ఈ చిత్రాన్ని ప్రేక్షకులు ఆదరిస్తున్నారు. ఈ సినిమా తెలుగులో కూడా ఖచ్చితంగా పెద్ద హిట్‌ అవుతుందని బి.ఎ.రాజు, వెంకట్‌ చాలా నమ్మకంతో చెప్పారు. వాళ్ళు చెప్పినట్టుగానే ఈరోజు ఈ సినిమా సక్సెస్‌ని ఎంజారు చేస్తున్నాము. ఇలాంటి ఎంకరేజ్‌మెంట్‌తో తెలుగులో స్ట్రెయిట్‌ సినిమా చేస్తాను. త్వరలోనే 'దండుపాళ్యం-2' చేయబోతున్నాము, అయితే ఈసారి తెలుగు, కన్నడలో ద్విభాషా చిత్రంగా ఈ సినిమా రూపొందుతుంది. స్క్రిప్ట్‌పరంగా చూస్తే నాకు మొదటి భాగం కంటే రెండో భాగమే ఇష్టం’ అని వెల్లడించారు.
      కాగా పార్ట్ 2కి సంబంధించి ఆల్రెడీ 30 శాతం షూటింగ్‌ ఫస్ట్‌ పార్ట్‌ చేసినపుడే చేయడం జరిగిపోయింది.

...avnk