Posted: 01/30/2013 12:54 PM IST

‘ఏమయింది ఈవేళ ’ చిత్రంతో తెలుగు ఇండస్ట్రీకి దర్శకుడిగా పరిచయం అయిన సంపత్ నందికి ఆ చిత్రం అనుకున్నంత పేరు సంపాదించకపోయినా, తన తరువాత సినిమాని రామ్ చరణ్ తో తీసి, స్టార్ హీరోలను సైతం హ్యాండిల్ చేయగలని ‘రచ్చ ’ సినిమాతో నిరూపించుకున్న ఈయన తన తరువాత చిత్రం మరో స్టార్ హీరోతో చేయడానికి సన్నాహాలు చేసుకుంటున్నాడు. ఆ హీరో ఎవరో కాదు.... పవర్ స్టార్ పవన్ కళ్యాణ్. సంపత్ నంది దర్శకత్వంలో పవన్ సినిమా కమీట్ అయ్యాడనే వార్తలు కూడా వచ్చిన విషయం తెలిసిందే. ఈ సినిమాకి సంబంధించిన విషయాల పై ఆ సినిమాకి సంబంధించిన వారు చెప్పిన ప్రకారం.. రాజకీయాల్లో అవినీతి నేపథ్యంలో జరిగే ఈ కథాంశం విని పవన్ వెంటనే ఓకే చెప్పారని, ఈ సినిమాకి ‘చోటా మేస్త్రీ ’ అనే టైటిల్ ఈ సినిమాకు పరిశీలనలో ఉందని చెప్పారు. తమ్ముడు, బద్రి, జానీ సినిమాలకు సంగీతాన్నిచ్చిన రమణ గోగుల ఈ సినిమాకు స్వరాలందిస్తారు. ఈ సినిమాకు పవన్ సన్నిహితుడు శరత్ మారర్ నిర్మాతగా వ్యవహరిస్తాడు. మరి పవన్ కళ్యాన్ ‘ఛోటా మేస్త్రీగా ’ ఏ మేరకు అలరిస్తాడో చూడాలి.