Posted: 09/12/2012 07:31 PM IST

       తెలుగు తమిళ చిత్ర సీమలో స్టార్ హీరోగా చెలామణి అవుతోన్నాడు ప్రముఖ నటుడు సూర్య. ఇది అందరికీ తెలిసిన సంగతే.. మరి వింతేమిటి అంటారా.. ఇతగాడు తీసుకునే రెమ్యునరేషన్ ఇప్పుడు అక్షరాలా 27 కోట్ల పైమాటే.. దీనికి కారణం..  తమిళనాట అతని క్రేజ్ సంగతి అలా ఉంచితే ఇటు తెలుగు నాట భారీ ఫ్యాన్స్ ఫాలోయింగ్  సంపాదించేసాడీ 'గజని' హీరో. 'ఆరు', 'యముడు' వంటి చిత్రాలు కూడా తెలుగు ప్రేక్షకుల ఆదరణ పొందటంతో ఇప్పుడు విడుదలకు సిద్దంగా వున్న 'మాట్రాన్' ( తెలుగులో 'బ్రదర్స్' ) సినిమాకి 27 కోట్లు తీసుకున్నాడట. అప్పట్లో 'గజని' సినిమా తెలుగు అనువాద హక్కులు కేవలం 70 లక్షలే కాని, అనంతరం టాలీవుడ్ లో మార్కెట్ బాగా పెరిగి 'సెవెంత్ సెన్స్' సినిమా తెలుగు హక్కులు ఏకంగా 13 కోట్లు పలికింది. దాంతో 'మాట్రాన్' సినిమాకి 12 కోట్లు తో పాటు తెలుగు రైట్స్ కావాలని నిర్మాతకి సూర్య కండిషన్ పెట్టాడట. ఈ నేపథ్యంలో 'మాట్రాన్' సినిమా  తెలుగు రైట్స్ 15 కోట్లు కలుపుకుని తనకి ఏకంగా 27 కోట్లు వచ్చిపడ్డాయి. దీంతో మొత్తం దక్షిణాది తారల్లో 20 కోట్లు పైనే తీసుకున్న ఏకైక హీరోగా సూర్య నిలిచాడు. గ్రేట్ కదూ..

..avnk