Posted: 08/25/2012 08:03 PM IST

టాలీవుడ్ దర్శకధీరుడు రాజమౌళి ఇటీవల తీసిన ఈగ సినిమా మంచి విజయాన్ని సాధించింది. ఈ సినిమా యాభై రోజులు కూడా పూర్తి చేసుకుంది. ఈ సినిమా కోసం సంవత్సరం పాటు తీరిక లేకుండా కష్టపడిన రాజమౌళి ఈ సినిమా విజయాన్ని ఆస్వాదించడానికి ఫ్యామిలీతో కలిసి గోవా ట్రిప్ వేసి తిరిగి వచ్చారు. ఇప్పడు తన తరువాత చిత్రానికి సంబంధించిన పనులు మొదలు పెట్టినట్లు సమాచారం. తన తరువాత సినిమా ప్రభాస్ తో తీయబోతున్నాడనే విషయం తెలిసిందే. ఇప్పటికే ఈ సినిమా స్ర్కిప్టు పూర్తయింది. హై ఓల్టేజ్ తో కూడిన యాక్షన్, ఎంటర్ టైన్మెంట్, డ్రామాతో ఈ చిత్రం ఉండబోతుందట. ఈ సినిమాని ముఖ్యంగా మూవీ లవర్స్‌కి సరికొత్త అనుభూతి తెచ్చేందుకు సన్నాహాలు చేస్తున్నట్లు సమాచారం.

ఇక ఈ సినిమా లో ప్రభాస్ ప్రక్కన మెయిన్ హీరోయిన్ శృతి హాసన్, సెకండ్ హరోయిన్ గా అందాల రాక్షసి చిత్రంలో తన నటనతో రాజమౌళిని ఆకట్టుకున్న లావణ్య త్రిపాటిని పెట్టుకోబోతున్నట్లు వార్తలు. ఈచిత్రాన్ని ఆర్కా మీడియా పతాకంపై ఈ చిత్రాన్ని భారీ బడ్జెట్‌తో రూపొందిస్తున్నారు. దర్శకుడు కె.రాఘవేంద్రరావు సమర్పణలో ఈ సినిమా ఉంటుంది. అలాగే పవన్ కళ్యాణ్ పంజా చిత్ర నిర్మాత శోభు యార్లగడ్డ ప్రభాస్-రాజమౌళిల చిత్రానికి నిర్మాణ బాధ్యతలు చేపట్టనున్నారని సమాచారం. ఈ చిత్రం పూజా కార్యక్రమాలు సాధ్యమైనంత త్వరలో జరపడానికి సన్నాహాలు చేస్తున్నారు.