Posted: 08/20/2012 06:33 PM IST

        మెగా పవర్ స్టార్ రామ్‌చరణ్‌ - కాజల్‌ అగర్వాల్‌ జంటగా, ఎ-వన్‌ దర్శకుడు వివి వినాయక్‌ దర్శకత్వంలో ఎస్‌.రాధాకృష్ణ సమర్పణలో డివివి దానయ్య నిర్మాతగా యూనివర్సల్‌ మీడియా పతాకంపై రూపొందుతున్న చిత్రం 'నాయక్‌'. (ఇంతకు ముందు చెర్రీ వర్కింగ్ టైటిల్). మెగా అభిమానులతో పాటు చిత్ర సీమ ఎంతో ఆసక్తిగా ఎదురు చూస్తోన్న ఈ మూవీ షూటింగ్ నేటి నుంచి గ్రీకులో జరుగుతుంది.  15 రోజులు సాగే ఈ చిత్రీకరణలో ముఖ్యపాత్రలపై కొన్ని సన్నివేశాలు తెరకెక్కిస్తారు.
         ఈ సందర్భంగా దానయ్య మాట్లాడుతూ ఈనెల 20 నుంచి గ్రీకులోని కొన్ని అందమైన ప్రదేశాలలో రామ్‌చరణ్‌, కాజల్‌తోపాటు కొంతమంది ముఖ్యపాత్రలపై కీలక సన్నివేశాల చిత్రీకరణ చేస్తున్నారు. పక్కా మాస్‌ కమర్షియల్‌ హంగుల తోపాటు ఎంటర్‌టైన్‌మెంట్‌గాసాగే ఈ కథని ఆకుల శివ అందించారు. కథతోపాటు మాటలు కూడా శివ అందించటం విశేషం. గతంలో వినాయక్‌, శివ కాంబి నేషన్‌లో రెండు చిత్రాలు హిట్‌ అయ్యాయి. ఆ రేంజిలో ఈ సినిమాకూడా వుంటుంది. తమన్‌ సూపర్‌ మ్యూజిక్‌ అందించారు. రామ్‌చరణ్‌ పాత్ర వైవిధ్యంగా వుంటుంది. ఇంతవరకు ఆయన చేయని పాత్ర అది. అని దానయ్య తెలిపారు.

...avnk