Posted: 07/08/2012 08:32 PM IST

       ఇటీవల కాలంలో ఏ సంస్థ అవార్డులిస్తున్నా ఉత్తమ నటుడుగా మహేష్ బాబే ఎంపికవుతున్నాడు. అదే వరసలో తాజాగా ప్రతిష్టాత్మక ఫిలిం ఫేర్ అవార్డు కూడా గెలుచుకున్నాడు. 'దూకుడు' చిత్రంలోని అతని అభినయానికి ఉత్తమ నటుడుగా ఎంపిక చేశారు. చెన్నయ్ లో జరిగిన వేడుకలో మహేష్ ఈ అవార్డును స్వీకరించాడు. ఇంకా ఉత్తమ దర్శకుడు, ఉత్తమ చిత్రం అవార్డులతో బాటు 'దూకుడు' మొత్తం 6 అవార్డులు పొందగా, 'శ్రీరామరాజ్యం' ఐదు అవార్డులు దక్కించుకుంది. ఉత్తమ నటిగా 'శ్రీరామరాజ్యం' చిత్రంలోని అభినయానికి గాను నయనతార అవార్డు అందుకుంది. నూతన ఉత్తమ నటిగా 'అనగనగా ఓ ధీరుడు' సినిమాకి శృతి హాసన్ అవార్డు చేజిక్కించుకుంది. ఇదిలా ఉండగా,  దమ్ము సినిమా తర్వాత  మహేష్ బాబుతో సినిమా చేసేందుకు బోయపాటి ఉత్సాహంగా ఉన్నాడు. ఇప్పటికే మహేష్ కోసం ఓ మంచి సినిమా స్క్రిప్ట్ కూడా సిద్దం చేసినట్టు సమాచారం. మహేష్ కు కథ వినిపించేదుకు ఛాలా సార్లు ప్రయత్నించినా... ఇద్దరి మధ్య నిర్మాత దిల్ రాజు అడ్డుపుల్లగా మారినట్టు తెలుస్తోంది. ఈ రూమర్ లో మరి నిజమెంతో...

...avnk