Posted: 06/30/2012 08:08 PM IST

పవన్ కళ్యాన్ కి 10 సంవత్సరాల తరువాత ఓ హిట్ వచ్చింది. అది అలాంటి ఇలాంటి హిట్ కాదు... 81 ఏళ్ళ సినిమా ఇండస్ట్రీ రికార్డులు బద్దలు కొట్టే హిట్. ఈ పది సంవత్సరాలలో వచ్చిన సినిమాలు అంతగా ఆడకపోయినా పవన్ క్రేజ్ ఏ మాత్రం తగ్గలేదనడానికి గబ్బర్ సింగ్ సినిమానే నిదర్శనం. మరి అలాంటి స్టామినా కలిగిన పవర్ సినిమా 50 రోజులు 306 ధియేటర్లలో పూర్తి చేసుకుంది. ఈ సందర్భంగా యాభైరోజుల వేడుకను నిర్మాత బండ్ల గణేష్ ఘనంగా నిర్వహించాలని ప్లాన్ చేస్తున్నాడు. ఈ  ఉత్సవాన్ని అభిమానుల సమక్షంలో రెండు చోట్ల నిర్వహించే ప్లాన్ చేస్తున్నారాయన. విశాఖతో బాటు హైదరాబాదులో కూడా ఈ వేడుకను వైభవంగా నిర్వహిస్తారని సమాచారం. ఆడియో వేడుకను కూడా రెండు చోట్ల నిర్వహించిన నిర్మాత ఈ వేడుకను కూడా భారీ స్థాయిలో ఏర్పాటు చేయడానికి సన్నద్ధం అవుతున్నారు. నిర్వహణ తేదీలను ఇంకా ప్రకటించలేదు. సినిమా ఫంక్షన్లకు దూరంగా ఉండే పవన్ తన సినిమా ఫంక్షన్ కి వస్తారా ? రారా ? వేచి చూడాలి.