Posted: 06/26/2012 07:15 PM IST

      గజని సినిమాతో మంచి పేరు సంపాదించిన ఆశిన్ కాన్ఫిడెన్సే వేరు.  ఎవరు ఏమనుకున్నా ... ఎన్ననుకున్నా పట్టించుకోకుండా పట్టుదలతో అశిన్ బాలీవుడ్ లో సక్సెస్ అయిందీ జాన. 'గజిని' ... 'లండన్ డ్రీమ్స్' ... 'హౌస్ ఫుల్ -2 ' చిత్రాలు ఘన విజయం సాధించడంతో, ఆమె పట్టుదలకి తగిన ఫలితం కూడా దక్కినట్టైంది. ప్రస్తుతం ఆమె అజయ్ దేవగణ్ - అభిషేక్ బచ్చన్ కాంబినేషన్లో  'బోల్ బచ్చన్' చిత్రంలోనూ ... అక్షయ్ కుమార్ జోడీగా 'ఖిలాడి 786 ' చిత్రంలోనూ ప్రేక్షకుల ముందుకి రానుంది. 'బోల్ బచ్చన్ ' సినిమా జూలై 6 న, 'ఖిలాడి 786 ' డిసెంబర్ లోను విడుదల కానున్నాయి. ఈ రెండు సినిమాలు కూడా 100 కోట్ల వసూళ్ళ  జాబితాలోకి చేరిపోతే, ఇక అశిన్ అక్కడ అగ్ర కథానాయిక అయిపోయినట్టేనని అంటున్నారు. ఇక ఆమె పారితోషికం కూడా చుక్కలని తాకుతుందని చెప్పుకుంటున్నారు. అయితే, ఈ ప్రచారాన్ని ఈ మలయాళ భామ కొట్టి పారేస్తోంది. తనకి పారితోషికం విషయంలో పట్టింపులు లేవనీ ... కంటెంట్ మాత్రమే ముఖ్యమని చెప్పింది. ఈ విషయంలో తాను డిమాండ్ చేయకపోవడం వల్లనే వరుసగా అవకాశాలు వస్తున్నాయంటూ అసలు సంగతిని బయట పెట్టేసింది. చూద్దాం ఈ అందాల భామ ఇంకే హైట్స్ కి చేరుతుందో.. ఫేర్ అండ్ లవ్ లీ కార్యక్రమానికి హాజరైన ఈ సుందరాంగి చేష్టలు చూసేద్దామా...

 

 

...avnk